Live na sinagot ng Malaysian actress-model na si Carmen Soo ang mga intrigang ikinakabit sa kanya sa The Buzz noong Linggo, November 23. Sa interview ni Kris Aquino, isa-isang binigyang linaw ni Carmen ang mga kontrobersiyang kinasasangkutan niya.
Bago ang interview ay ibinalita muna ni Kris ang pagbabago ng timeslot ng ABS-CBN teleserye na Kahit Isang Saglit, na pinagbibidahan nina Carmen at Jericho Rosales. Pinaaga na ang timeslot nito kaya kasunod na siya ng I Love Betty La Fea. Nag-switch sila ng oras ng Pinoy Fear Factor na pinakahuli nang mapapanood ngayon sa Primetime Bida.
Inamin din ni Kris na ibinabalita niya sa kanyang K-Text na fan talaga siya ng Kahit Isang Saglit. Maging ang family raw niya, kabilang na ang kanyang ina na si dating Pangulong Cory Aquino ay sumusubaybay sa pinagbibidahang teleserye ni Carmen.
Kaya ang unang tanong ni Kris kay Carmen ay, "Are you happy na ang daming Pinoy talaga ang kinilig, natuwa, at nagandahan sa proyekto ninyo?"
Hindi agad nakasagot si Carmen dahil hindi niya maunawaan ang ilang Tagalog na salita na sinabi ni Kris. After ipaliwanag ni Kris sa English ay saka sumagot si Carmen.
"I'm so happy and thank you to you for being so supportive all this time. And especially thank you to your mom, former President Cory Aquino. Thank you so much. And thank you to every one for requesting an earlier timeslot. Finally, our wishes are granted and I'm so happy that there will be many, many more viewers. The coming weeks will be extremely exciting," pasasalamat ni Carmen.
Pagkatapos nito ay sinimulan na ni Kris ang pang-iintriga kay Carmen. Ayon kay Kris, noong una, parang ang naging branding kay Carmen ay inagaw niya si Jericho kay Heart Evangelista. Pero napatunayan naman ng lahat na hindi naman ito totoo. Sabi pa ni Kris, makikita kay Carmen na sweet siya at hindi malandi. Ipinagpasalamat naman ito ni Carmen.
ON JOHN LLOYD CRUZ & JERICHO ROSALES. Dumako na ang pagtatanong ni Kris tungkol kay John Lloyd Cruz. Sinabi ni Kris na pareho ang naging stylist nila sa kanilang separate photo shoots, si Carmen for Petit Monde at si Kris ay sa isa niyang bagong endorsement. Ang stylist na tinutukoy nila ay si Liz Uy, ang girlfriend ni John Lloyd.
Sabi ni Kris, parang imposible naman daw na makikipagtrabaho si Liz kay Carmen kung feeling nito ay nakikipag-flirt si Carmen sa boyfriend niya. Kaya pinagpaliwanag ni Kris ang Malaysian actress kung ano talaga ang katotohanan sa lumabas na balita na nakita raw silang magkasamang kumakain ni John Lloyd sa Trinoma Mall.
"It was totally innocent," sabi ni Carmen. "It was my birthday and I was leaving that night. I was in Trinoma and I called up a friend of mine. She greeted me and asked me if I have time to see her. And she is with John Lloyd. And then we had lunch."
Is your friend working in ABS-CBN?
"Yes."
So, your friend is with John Lloyd?
"Yes, that's right."
So, they are in Trinoma already?
