Two weeks ago, pumutok ang balita tungkol sa pagkakaospital ng veteran actor na si Eddie Gutierrez dahil sa heart problem.

"Hindi ko kaya. Sabi ko, ‘Eduardo, ako na lang mauna, huwag ikaw.'" Ito ang naging emosyonal na mensahe ni Annabelle Rama para sa kanyang asawa.

Three days after his angioplasty, masaya nang nakalabas ng ospital si Eddie.

"Nagpapasalamat ako sa lahat ng mga sumuporta sa amin. Sa lahat ng mga nagdasal," aniya.

Pero kasabay nito, isang revelation naman ang binitiwan ni Annabelle sa The Buzz noong November 9.

"Mayroon din akong sariling sakit. Sabay kaming dalawa. Inaantay ko lang makalabas si Eddie," sabi ni Annabelle.

November 15, through her K-Text, humingi si Ruffa Gutierrez, panganay na anak nina Eddie at Annabelle, ng dasal para sa kanyang mommy who underwent hysterectomy, isang operation para tanggalin ang uterus ng isang pasyente.

The following day, November 16, masayang ibinalita ni Ruffa sa kanyang K-Text at sa The Buzz ang naging successful operation kay Annabelle.

November 19, sa kanya pa ring K-Text, nagpasalamat si Ruffa sa lahat ng nagdasal para kay Annabelle dahil finally ay nakuha na nila ang biopsy result at cancer-free ang kanilang mommy.

Para sa isang The Buzz exclusive, humarap si Eddie para sa kanyang unang interview matapos ang kanilang mga pinagdaanan.

"I feel much better now than what I felt before the procedure na ginawa sa akin. I feel lighter. I feel na parang mas masarap huminga. Hindi ako masyadong napapagod. So, I feel much better now," nakangiting sabi ni Eddie.

Kahit habang inooperahan, naging clear pa rin para kay Eddie ang lahat ng nangyayari sa paligid niya. And when he came out of the operating room, "Paggising ko, noong lumabas ako sa operating room, ang una kong nakita si Annabelle. So, gumanun ako [thumbs up]. Tapos niyakap ko siya. Tapos si Ruffa lumapit din, yung mga anak ko. Pero before that, narinig ko yung mga doctor, nagpapalakpakan. So sabi ko, siguro successful yung operation."

Ano naman ang masasabi niya sa emotional message ni Annabelle para sa kanya?

"Alam mo, sa pagdating ng oras na ganun, lagi niyang sinasabi yun. Pero ako, mas gusto kong mauna ako kaysa sa kanya. She took charge. Siya ang tumawag sa mga doctor. Hands-on siya. Sa lahat ng mga ginawa niya, ako ay nagpapasalamat sa kanya.

"Si Richard, malaki rin ang nagastos. Malaki rin ang ibinigay ni Richard para pambayad sa ospital. Lahat sila, they were always in the hospital."