Bakas ang kasiyahan sa mukha ng nagbabalik na aktor na si Jao Mapa. Masaya nitong ikinuwento sa PEP (Philippine Entertainment Portal) ang papel na ginagampanan sa Viva Films MMFF entry na Baler. Ito ang unang proyektong inihain sa kanya mula nang magdesisyon siyang magpa-manage sa Viva Artists Agency.
"Isa ako sa mga sundalo rito. We're Filipinos serving the Spanish army. Kasi at that time, kung hindi ako makabayad ng taxes as Filipino, magse-serve ka sa bayan, sa Spanish army.
"Tatakas sana kaming apat na Filipino army, ako, si Jericho Rosales, si Harvey Quizon at si Mark Bautista. Pero yun... Panoorin na lang n'yo. It's a very good film and I'm really proud to be a part of it."
PRAISE FROM DIREK MARK. During the presscon proper of Baler sa Pagcor office sa Hyatt Hotel & Casino noong December 9, isa siya sa members ng cast na pinuri ni direktor Mark Meily.
Anong naramdaman niya nang sabihin ni Direk Mark na magaling siyang aktor?
"Kinabahan ako! I have to [put] my best foot forward. Magpakitang-gilas and I think, this should be a good comeback for my career. And he believes in me so much, he gave me few pointers lang. Actually, pinabayaan lang ako, e.
"Tapos, nagtataka ‘ko, bakit hindi ako binigyan ng units? So, lumapit ako kay Direk, tinanong ko siya, ‘Direk, ano ba ang gusto mong tirada rito?' So, sinabi niya lang, ganito lang ‘yan," nakangiti ngang kuwento ni Jao.
So masasabi ba niyang bumalik na yung passion niya for acting?
"Oo! Oo naman...lalo na to this film. Mas naengganyo ako nang makita ko ang cast. Sabi ko, talagang, ‘Wow!' Kailangang pakitang-gilas talaga. Hindi talaga ‘ko dapat mapahiya."
Masaya raw siya dahil pakiramdam niya, nakahanap na raw siya ng management company na siyang mag-aalaga na sa kanya, ang VAA nga.
"I'm very happy. In fact, lahat ng pagpo-promote para sa film na ito, ibinibigay sa akin. At hindi ko pa nami-miss kahit isa. Sabi nga ng handler ko, sinabi raw niya kay Boss Veronique del-Rosario, ‘Masipag itong si Jao.'"
PLAYING SUPPORT NOW. Matatandaang isa si Jao sa pinakamaiinit na matinee idols nung teenager pa siya. Pero dumating siya sa puntong nag-lie low muna sa showbiz.
Kumusta naman ang pakiramdam ngayon ni Jao na ngayo'y suporta na lang sa pelikula (to lead actor Jericho Rosales), when he used to be the lead before?
"I feel good...I feel good because just to be part of this film, it's such an honor. Lalo na akala ko, ibang dating. Akala ko, pataasan ng ere. Pero hindi, suportahan lahat. Even with Echo, he was there for my point of view. Ganoon...give and take, walang mataas, walang mababa."
