KAPUSO TALENTS. Regular talent na ba sila ng GMA-7?

"A, kasalukuyan pong ginagawa yung kontrata. Per show pa lang po kami sa GMA. Sa ngayon po, MTV ang nagma-manage sa amin. Nagkaroon po kami ng segment sa MTV, yung Campus Crashers, nagpupunta po kami sa iba't ibang campus. Ngayon, gumagawa rin kami ng tipong short films lang sa MTV. Trip-trip lang. Yung inilalabas bago mag-commercial," lahad ni Moymoy.

Pero hindi na ba sila puwedeng lumabas sa ibang istasyon?

"Wala pa namang ganung restriction. Pero susundin namin kung ano ang sasabihin ng GMA. Sa GMA po kami loyal ngayon," ani Moymoy.

Siyempre, kumikita na sila ngayon, ano na ang mga nabili nila para sa mga sarili nila?

"Wala. Ipon muna kami. Kasi hindi rin namin alam ito, e, kung magtutuluy-tuloy. Pero sana magtuluy-tuloy."

Pero okay naman ba ang ibinibigay na talent fee sa kanila ng GMA-7?

"Okay naman. Worth it. Malaking tulong."

Okay naman bang katrabaho yung mga artista sa Bubble Gang?

"Okay naman. Mababait silang lahat."

Pero sino yung talagang kasundo nila sa Bubble Gang?

"Si Bitoy [Michael V.], si Ogie da Pogi [Ogie Alcasid], si Tonio [Antonio Aquitania], si Dos [Boy 2 Quizon], si Papa Wendell [Ramos]," ani Roadfill.

Nabanggit pa ni Moymoy na noong una raw nilang sabak sa Bubble Gang ay si Marky Cielo pa ang guest. Nalungkot nga raw sila nang makatanggap sila ng text tungkol sa pagkamatay ni Marky.

"Mabait si Marky. Nagbi-Bisaya nga kami ng nanay niya, e, kasi sa Cebu kami. Sabi pa ng nanay niya, ‘Yang si Marky ang nagsasabi sa amin kung may bago kayong video sa YouTube.' Pati yung kapatid niya," kuwento ni Moymoy.

NO CHANGE. May nabago ba sa kanila ngayong sumikat na sila?