Tinawag na "goddess" ng mga boy housemates sa unang Pinoy Big Brother Teen Edition, sumasabay ngayon sa kasikatan si Niña Jose sa pares nina Kim Chiu at Gerald Anderson kung exposure lang din ang pag-uusapan. Sa pagtatapos ng Your Song Presents My Only Hope, inihiwalay na si Niña sa pares nina Kim at Gerald na nagsimulang maging triangle sa una nilang proyekto na My Girl.
Kung napabalita mang nag-audition si Niña para sa isa sa dalawang slots ng leading lady ni Richard Gutierrez sa Zorro ng GMA-7, may dalawang offers agad na natanggap si Niña sa ABS-CBN kung kaya't mas pinili niya na lang na mag-stay sa home network niya. Hawak na ngayon ng DMV Entertainment ni Manny Valera ang showbiz career ng young actress.
Isa si Niña sa magbibida sa TV remake ng Regal Films classic na Temptation Island, na binabalak ng ABS-CBN na gawing pang-hapon na soap. Ipinalabas noong 1980 sa direksiyon ni Joey Gosiengfiao, ang Temptation Island sa apat na contestant—at isang tsimay—ng Miss Manila Sunshine Beauty Pageant na na-stranded sa isang island kasama ng ilang kalalakihan.
Nagbida rito sina Dina Bonnevie, Azenith Briones, Jennifer Cortes, Bambi Arambulo, at Deborah Sun. Pinagpipilian pa kung kaninong character ang ibibigay kay Niña.
May isa pang inu-offer na show kay Niña ang ABS-CBN na pang-primetime naman, ang remake ng Mexican soap na Passion de Amor.
Samantala, isa pa sa mga taga-ABS-CBN na balitang nag-audition din para sa Zorro ni Richard ay ang Star Magic Batch 11 member na si Carla Humphries, na huling napanood sa Ligaw Na Bulaklak. Nakasabay ni Carla ang ilang Kapuso stars na nag-audition sa unang araw nito noong isang Biyernes sina Isabel Oli, Iwa Moto, Rhian Ramos, at Glaiza de Castro.