Kabilang sa mga contestant sa Century Tuna Superbods 2009 ang girlfriend ni Paolo Bediones na si Abby Cruz, ang dating boyfriend ni Marian Rivera na si Ervic Vijandre, at former girlfriend ni Polo Ravales na si Bianca Paz Villamores. Gaganapin ang naturang looks-and-body search sa Boracay sa May 2.

Pagkatapos mabigo si Abby na makapasok kahit man lamang sa semifinals ng Binibining Pilipinas 2009, susubukan naman niya ang kanyang kapalaran sa patimpalak na ito ng Century Tuna. Para kay Abby, wala siyang nakikitang masama sa kanyang pagsali sa mga ganitong contests.

Gayundin ang paniniwala ng ex-girlfriend na ni Polo na si Bianca. Tulad ni Abby ay isa rin siya sa mga "thank-you girls" sa nakaraang Bb. Pilipinas, pero hindi ito naging hadlang para subukan ang kanyang suwerte sa mga beauty and body contest.

Nasa gitna ng kontrobersiya ngayon si Bianca dahil sa biglang paghihiwalay nila ni Polo. Naging issue ang "gamitan" sa kanilang dalawa ni Polo. Pero nananatiling tahimik si Bianca dahil ayaw raw niyang palakihin ang naging problema nila ni Polo.

Hanggang ngayon naman ay misteryoso pa rin ang dating ng ex-boyfriend ni Marian na si Ervic. Never pa itong nagpa-interview tungkol sa naging relasyon nila ng sikat na aktres.

Ayon sa manager ni Ervic ay desisyon nito na huwag magpa-interview dahil maganda naman daw ang paghihiwalay nila ni Marian. May usapan kasi sila na wala silang ikukuwento sa press tungkol sa naging relasyon nila.

Abala si Ervic sa kanyang pagiging basketball player at pagmo-model. First time nitong sumali sa isang contest na may kinalaman sa pagpapakita ng magandang katawan. Si Ervic ang nanalo sa Online Voting Raffle Draw ng Century Tuna Superbods noong April 27.

Gaganapin sa Plazoleta Beach at Pearl of the Pacific sa Boracay. Sa May 2 ang finals ng Century Tuna Superbods '09.

Ang mananalong pair ay mag-uuwi ng P500,000 cash prize each at iba pang mga gift packages, plus the opportunity to represent Century Tuna for a year via print and TV commercials. Ang runners-up ay tatanggap ng P20,000 each (first runner-up) at P10,000 (second runner-up). Ang People's Choice (male and female) naman  ay mag-uuwi ng P50,000 each. Ang Mr. and Ms. Superphoto Award will get P5,000 each.

Ang iba pang mga finalists ng Century Superbods 2009 ay sina Van Victor Leano, David Nagtalon, Laxie Villar, Rey Talosig, Rex Flores, Martin Richard, Mychal Nubla, Terrence Lloyd, and Joseph Kidwell for the men's division.

Sa women's division naman ay kasali sina Patricia Ejercitado, Khai Lim, Cherry Ann Kobota, Ma. Kriska Gonido, Ma. Halley Chiappiazzi, Katherine Bautista, Theresa Fenger, at Karen McVie.