Thankful ang Star Magic artist at June birthday celebrant na si Victor Basa na nakasama siya sa isa sa mga top-rating series ng ABS-CBN, ang May Bukas Pa.  Kailan nga lang daw ay na-ordain na siya bilang isang pari sa show. At hindi itinatanggi ni Victor na he has to live up to his character.

"Medyo nagsi-sink in talaga ang role. Actually, sa aming lahat. Ako, si Dominic Ochoa, hindi naman naging sobrang mabait, but nagpapakabait..." natatawa niyang sabi.

"Halos every other day, nasa loob kami ng church. Kumbaga, may cleansing. Of course, kailangan mo rin alagaan ang role. Hindi naman magandang makita ka na kapag nasa labas, you do the other way."

Ayon kay Victor, bukod sa hindi niya akalain na sobrang magugustuhan ng mga manonood ang May Bukas Pa, mas na-surprise siya na his role and the show would be so close to his heart.

"Siguro, if anything, mas kumbaga, kahit umabot kami ng magdamagan na taping, hindi mo nararamdaman yung pagod ka."

VARIED ROLES. Baguhan pa rin si Victor sa larangan ng pag-arte, pero masaya raw siya dahil nabibigyan siya ng iba't ibang opportunity sa iba-ibang mga roles. Like sa movies naman, he got the chance to play a gay role na kunsaan, nabigyan din siya ng pansin.

"Napaka-thankful ako sa opportunity na ibinibigay sa akin. Now, I'm doing another indie film, yung Marino and I play the role of a chef naman.  I also have Shall We Dance in TV5 wherein I do hosting with Ms. Lucy Torres-Gomez.

"Actually, napapansin ko, nag-i-increase rin yung mga trabaho ko sa hosting. Okey naman, although I really want to act. It's something I want to do."

Dahil nga sa gusto niyang mas bigyan ng atensiyon ang kanyang pag-arte, wala na rin daw siya sa MTV. 

"Two months na rin akong wala, it's my personal decision na rin. I've been with MTV for a year and a half. Nag-enjoy ako, siyempre, di ba, nag-e-MTV VJ ako, pero, I have to focus more in my acting kaya huwag na muna..."

Pero kung si Victor raw ang tatanungin, type raw niyang makagawa ng mga feel-good love story kung mabibigyan din siya ng chance.

"Medyo nalinya kasi ako sa mga serious acting, pero, okey rin sana yung medyo refreshing.  That's why I like my role in May Bukas Pa, kasi refreshing siya."

Last June 6 ang actual birthday ni Victor. Twenty-four years old na siya, pero nasa work daw siya noong araw na yun, kasama ang iba pang Star Magic talents for a show.

"After no'n, the next day, nag-lunch ako with good friends."

GOOD FRIENDS WITH SAAB. Nangiti si Victor when we repeated his words, "good friends" nang "good friends" na lang... was it Saab Magalona?