Isinilang na ng actress-TV host na si Dawn Zulueta ang kanyang ikalawang anak kaninang tanghali, June 22.

Ayon sa text message na ipinadala ni Vivian Recio, tagapagsalita ng 40-year old actress, ipinanganak daw si Ayisha Madlen Lagdameo sa pamamagitan ng caesarean section kaninang 12:05 p.m.

Nagpapasalamat sina Dawn at ang asawa nitong si Davao del Norte congressman Anton Lagdameo dahil sa normal at malusog naman ang sanggol. Mahigit apat na taon na ang nakararaan nang ipinanganak ni Dawn ang panganay nilang anak na si Jacobo.

Narito ang kabuuan ng text message:

"Ayisha Madlen Lagdameo was delivered via C-Section at 12:05 PM today June 22. She arrived weighing 3lbs 15oz w a demure cry. Tnx to all ur prayers, she has 10 toes, 10 fingers , a head full of wavy hair and a heart full of grace. God is endlessly good! Anton & Dawn."