"And hindi namin sinasabi sa inyo to move on. But siguro ito rin talaga ang plano ng Diyos, Tito Boy. Baka may mission pa si Chard sa buhay. Walang may gustong mangyari nito. Richard was very careful. Hindi siya nag-i-speeding. Hindi po siya nakainom. Kung nasasaktan sila, nasasaktan din kami."

Tinanong naman ni Boy si Ruffa kung wala bang pag-uusap na naganap sa pagitan nila at  ng pamilya Pardo. Napanood kasi sa telebisyon na dumalaw si Richard, noong gumaling na siya, doon sa burol ni Nomar.

"Siyempre, meron naman," sagot ni Ruffa. "Lahat po kami dumalaw sa wake ni Nomar. Ang buong pamilya namin, lahat ng talents ng Royal Era, araw-araw nandun kami. I think I went for two days. Si Chard nasa ospital pa noong mga panahon na yun. But I think he went there once. Sabi kasi ng doktor, dapat si Chard was supposed to stay in the hospital for a few more days. Talagang pinilit niyang makalabas para makadalaw kay Nomar.

"Tito Boy, siyempre shocked pa rin si Chard at this time dahil itong nangyaring ito, hindi mo talaga makakalimutan in an hour. He was there. Mali yung sinasabi ng daddy ni Nomar na hindi man lang nag-condolence si Chard, hindi man lang nag-sorry," giit ni Ruffa, patungkol sa naging pahayag ng ama ni Nomar na si Mr. Ramon Pardo na hindi raw nag-sorry si Richard sa kanila. (Click here to read related article.)

Hindi ba nagkita doon si Lorayne at saka si Richard?

"Oo, lahat kami. Nagkita sila doon," sagot ni Ruffa.

Pero sabi ni Lorayne sa interview hindi raw sila kinausap?

"Ang sabi nila, after the wake daw bigla na lang kaming nawala."

So, during the wake nagkita-kita?

"Oo," ani Ruffa. "At ang hindi po nila alam, nagkaroon po ng pag-uusap ang mommy ko at ang pamilyang Pardo. At sinabi ng Mommy ko, 'Ito ang gusto naming maitulong sa mga bata. Gusto naming bigyan kayo ng educational fund para sa dalawang naiwan na anak ni Nomar para makatapos sila ng college.' Kasama na rin po doon yung financial assistance, na hindi nila tinanggap."

So, nagkaroon ng pormal na pag-uusap ang mommy niya at saka ang pamilya Pardo?

"Oo. Tito Boy, tumutulong nga kami kahit kanino, 'no? Si Chard pa is very generous. Even before the accident happened, pinapaaral na ni Richard yung anak ni Nomar na panganay," pagtatanggol ni Ruffa sa kapatid.

Pinalinaw rin ni Boy kay Ruffa ang tungkol sa umano'y natagalan ang pagdala kay Nomar sa ospital dahil mas inunang dinala si Richard sa Tagaytay?

"I'm not really familiar with what happened," sabi ni Ruffa. "But si Chard, tatlo silang naaksidente nun. Hindi mahanap yung body ni Nomar because bumangga sila, e. Tapos bumaba sila sa cliff. So, dumating yung GMA [crew] doon. Kinuha nila si Chard, kinuha rin si George. Hindi mahanap ang katawan ni Nomar. Pero si Chard took a moment para hanapin siya [Nomar] doon. So, nung dumating na yung mga taong dapat tumulong, sila na po ang nakahanap sa katawan ni Nomar."

Ito ang final message ni Ruffa: "Ang message ko lang... Unang-una kay Chard. Chard, be strong. You know, this crucial path, alam kong maraming tumitira sa iyo ngayon. A lot of people wanna put you down. But don't listen, just keep going where you wanna go in life. I know you're going the right way. I know nagdadasal ka. Alam kong wala kang kasalanan sa mga nangyari. We love you and we're here to support you all the way.