"Sabi niya, 'O, kumusta na?' Sabi ko, 'Okay ako.' Tapos sabi ko, 'Salamat nagkita na rin tayo. Matitigil na yung mga tao na sinasabing hindi tayo magkasundo. Halika, picture-picture.' Nag-picture-picture kami, magka-hug kaming dalawa. Tawa kami nang tawa. Sabi ko nga sa kanya, 'Thank you.' Tapos thank you rin siya nang thank you na tinulungan ko siya sa auction," says Marian Rivera (in photo) about her encounter with Angel Locsin.
Marian Rivera finally meets fellow Darna Angel Locsin
Friday, October 30, 2009
01:49 PM
Rating
Kasalukuyang nasa Singapore ngayon sina Marian Rivera at Dingdong Dantes para sa promotion ng DVD version ng pinagsamahan nilang telefantasya sa GMA-7, ang Dyesebel. Alas-kuwatro kaninang madaling araw, October 30, sila umalis.
Mag-i-stay sila roon hanggang bukas, October 31. Sa November 1 hanggang 2 ay pupunta naman sila sa Malaysia. Magkakaroon din sila ng shows at fans day sa naturang mga bansa. Sa Martes, November 3, na raw ang balik nila sa Pilipinas.
Kuwento ni Marian, "Kasi ni-request kami ng mga tao doon para sa Dyesebel, kasi nailagay na siya sa DVD. Request kasi ng mga tao doon na sana makita nila ulit kami ni Dingdong together. So, dalawang araw sa Singapore, dalawang araw sa Malaysia. Tapos, uuwi na ulit dito. Tapos, taping na ulit. Naghahabol kasi kami dahil masyadong madugo ang Darna."
Nakausap ng PEP (Philippine Etertainment Portal) at iba pang press si Marian sa taping ng Darna kahapon, October 29, sa St. James Church sa Plaridel, Bulacan.
NUMBER ONE. Hindi na talaga matawaran ang kasikatan ngayon ni Marian. Balik siya sa pagiging Primetime Queen dahil simula nang mag-umpisang umere ang pinagbibidahan niyang Darna sa GMA-7, hanggang ngayon ay nangunguna pa rin ito sa Metro Manila ratings. Ano ang masasabi ni Marian dito?
"Talaga? Minsan kasi hindi na ako nakakatanggap ng ratings sa sobrang dami ng trabaho ko, hindi ko na napapansin. Pero pag may napagtatanungan ako, ano ba ang ratings, natutuwa naman ako kasi at least number one pa rin sa ratings," nakangiting pahayag niya.
Aminado naman si Marian na malaki ang naging epekto sa ratings ng nangyaring trahedya noong bagyong Ondoy, kung saan malaking parte ng Metro Manila ang nawalan ng kuryente.
"Oo nga, e, ang dami ngang nagte-text kay Ate Vangie, sa handler ko, na, 'Naku, pakisabi kay Yan-yan [palayaw ni Marian], hindi kami nakakapanood kasi walang kuryente.' Ang tagal din nilang nawalan ng kuryente. Yung ibang parte nga ng Marikina, sabi, hanggang ngayon wala pa ring kuryente."
Marami pa raw dapat abangan sa Darna, gaya na lang ng kinunang eksena during our set visit—ang wedding scene nina Narda at Eduardo, played by Mark Anthony Fernandez, na guguluhin nina Babaeng Lawin (Ehra Madrigal) at Babaeng Tuod (Francine Prieto). Mas tumitindi pa raw ang mga eksena lalo na nga't mas dumadami pa ang mga kalaban ni Darna.
"Si Cobra kasi natalo ko na. Pero may iba pang kalaban na si Zandro ang pangalan, na si Paolo [Contis] din yun. Tapos ayan, matatalo ko na si Babaeng Tuod at si Babaeng Lawin, pero papasok naman si Linta [Maggie Wilson]. Tapos pag natalo ko si Linta, papasok na ulit si Valentina [Iwa Moto]. So, ang dami-dami, sunud-sunod sila. Si Serpina, lalaki rin at magiging kalaban ko."
Tumitindi rin daw ang mga fight scenes ni Marian.
"Ayan, may panibago na naman akong sugat at saka pasa. Hindi kasi talaga maiwasan, e. Kasi kahit naman sina Direk Dom [Dominic Zapata], ayaw din naman nila na masusugatan ako. Pero wala, e, pag fight scene talaga at bigay todo ka, hindi mo naman maiwawasan na sana huwag kang masugatan, huwag kang maano. So, sige, basta fight scene iba-block ni Direk, tapos gagawin na lang," sabi niya.
KATRINA & DENNIS. Nadadagdagan din ang mga bagong tauhan na pumapasok sa istorya ng Darna. Nabalita pa nga na papasok na rin sa Darna sina Katrina Halili, bilang bagong kontrabida, at si Dennis Trillo, na kababata ni Narda. Kinumpirma naman ito ni Marian at na-excite daw siya dahil makakatrabaho ulit niya ang dalawa na kasama na niya sa ibang projects noon.
Ano ang feeling niya na yung tandem nila ni Katrina as bida at kontrabida ay bumalik dito sa Darna?
"Nakaka-excite kasi nagsimula yun sa Marimar, e, siya yung kontrabida ko. This time, ganun ulit. 'Sige,' sabi ko, 'exciting 'yan,'" sambit ni Marian.
Matagal pa raw ang itatakbo ng Darna sa telebisyon. Ang alam ni Marian ay hanggang January 2010 pa siya magte-taping. Kaya malamang hanggang February or March pa sa ere ang Darna.
ANGEL LOCSIN. Natutuwa naman si Marian na finally ay nagkita at nagkausap na sila ng isa pang Darna, si Angel Locsin. Two weeks ago ay nagkaroon ng pagkakataon na magkita ang dalawa kaugnay na rin ng paghingi ni Angel ng tulong kay Marian para sa inilunsad na proyekto ng una na Shop and Share, kung saan nangangalap si Angel ng mga gamit ng celebrities na ipinapa-auction. Ang kikitain dito ay ido-donate sa mga naging biktima ng bagyong Ondoy at Pepeng.
"Alam n'yo, natuwa ako diyan," sabi ni Marian. "Nung una kasi, nag-text sa akin si Popoy [Caritativo, Marian's manager], sabi niya, 'Yan, nag-text si Angel.' Sabi ko, 'Anong sabi ni Angel?' 'Forward ko sa 'yo,' sabi ni Popoy. Tapos may pangalan ako doon sa text, sabi niya, 'Sana matulungan mo ako.' Ganyan-ganyan. So, binigyan ko rin talaga ng time si Angel na makita siya at makapag-usap kaming dalawa. Yun nga, nagpa-auction nga siya sa website niya [www.shopandshare.ph] para sa mga biktima ng bagyo."
Paano sila nagkita ni Angel?
"Pumunta siya sa bahay ni Popoy. Tapos, pumunta ako sa bahay ni Popoy. Yun, nagkita kami, nag-usap kami. Sabi niya, 'O, kumusta na?' Sabi ko, 'Okay ako.' Tapos sabi ko, 'Salamat nagkita na rin tayo. Matitigil na yung mga tao na sinasabing hindi tayo magkasundo. Halika, picture-picture.' Nag-picture-picture kami, magka-hug kaming dalawa. Tawa kami nang tawa. Sabi ko nga sa kanya, 'Thank you.' Tapos thank you rin siya nang thank you na tinulungan ko siya sa auction," kuwento ni Marian.
Ano ba ang mga gamit na ibinigay niya kay Angel?
- Marian Rivera explains visit to taping of a TV5 show; comments on Iza Calzado's transfer to ABS-CBN
- Marian Rivera on working again with Dingdong Dantes: "Siguro masasabi ko na mas tumindi yung relationship namin, kung anong meron kami, nang dahil dito sa My Beloved. "
- Part 1: Feng shui lady Marites Allen says Year of the Water Dragon is the year of infidelity, advises showbiz couples to be careful
- Marian Rivera reunites with Katrina Halili in My Beloved ; wants to enrol in a culinary school
- Marian Rivera sports new look; boyfriend Dingdong Dantes approves: "Ay, para akong may bagong girlfriend."
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Comedian Betong Sumaya named Celebrity Sole Survivor
- Lea Salonga reveals her stand on OPM artists' call for "Filipino first" in the concert scene
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- AGB Nielsen Mega Manila People Ratings (Feb. 7-9): Survivor Philippines final week rule primetime; Eat Bulaga! still the undisputed No. 1 noontime show
- Carl Guevara on playing a ghost in My Beloved: "Parang first day-last day na agad?"
- Beauty queen Danielle Castaño on joining showbiz: "Sobrang I just want to experience how it is like in the industry... not only experience it, like feel that I'm working."
-
In a glimpse
E-Boy is described as a "modern-day Pinocchio"
E-Boy pilot week will air anew on ABS-CBN this Sunday
-
Profiles
ChicoSci vocalist Miggy Chavez plans to venture into tattooing and acting
After playing a small role in Segunda Mano , Miggy says "Why not?" to doing more mainstream projects.
-
Weddings
FIRST READ ON PEP: Ms. Jolina Magdangal is now Mrs. Mark Escueta!
The bride and groom shed tears while reciting their vows.
-
Travels
Derek Ramsay and Angelica Panganiban in South Africa!
Angelica singles out this trip for bringing her and Derek closer.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Part 2 Dolly Anne Carvajal on Carmina Villarroel-Claudine Barretto issue: "I stand by my story."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Director Mac Alejandre talks about his four-year contract with TV5 and reveals the real reason he left GMA-7
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Jessa Zaragoza confirms "tent incident" with Sarah Lahbati's aunt
Advertisement
