Ano ang hinihiling niyang pagkain kay Geoff?

"Wala naman akong hinihiling. Hindi naman ako ganun, e. Pero madalas siya ang nagtatanong kung ano ang gusto ko. So, kahit naman sabihin kong okay lang ako, ayoko, may times naman na kukunan niya pa rin ako ng something, ng food or what," lahad niya.

Happy naman si Carla na nakilala na niya at nakatrabaho pa ang mommy ni Geoff na si Gina Alajar. Magkakasama silang tatlo sa Carinderia Queen.

"Mabait sa akin si Tita Gina, e. And we work together nga for SRO," banggit ni Carla.

Kinabahan ba siya na makaeksena si Gina?

"Siyempre, my goodness, Gina Alajar 'yan!" sambit ng baguhang aktres. "Ang taas ng tingin ko sa kanya, award-winning. But other than that, ang galing niya, kaya niya sa drama, kaya niya sa comedy, lahat 'yan kaya niya. Nakakadala siyang kaeksena."

NEXT PROJECTS. After Rosalinda, may  susunod na ba siyang teleserye?

"Meron na kaming nabalitaan, although hindi pa siya final. My manager kasi, si Tito Arnold [Vegafria] is out of the country and he has yet to talk about that to me," sabi ni Carla.

Sila pa rin ba ni Geoff ang magkasama?

"I believe so. I'd love to work with Geoff again and again."

Hindi naman makakasama ni Carla si Geoff sa StarStruck V. Isa si Carla sa hosts ng naturang GMA-7 reality show, kasama sina Dennis Trillo at Raymond Gutierrez. Happy ba siya na tuluy-tuloy ang dating ng projects sa kanya?

"Oo naman, siyempre. Sana mas matagal pa, mas marami pa, di ba?"

Hindi ba siya natatakot na ma-insecure ang ibang Kapuso stars dahil kabagu-bago pa lang niya ay sunud-sunod na ang projects na ibinibigay sa kanya?

"Hindi naman," sagot ni Carla. "They have nothing to be insecure about. Nag-uumpisa pa lang ako. I have a long way to go. So, marami pa akong matututunan."

Kumusta na ang napabalitang album  niya sa Universal Records?

"Hindi ko pa kayang gawin kasi they're asking two days a week from my schedule. And I cannot give it to them, kasi I'm working everyday. Hindi namin maumpisahan kasi nga I'm taping everyday, tapos may iba pa akong ginagawa in between. But the contract is there. Hopefully, next year."