SUSAN'S PERMISSION. Although si Carlo J. Caparas ang may-akda ng Ang Panday, ayon kay Bong ay humingi din siya ng pahintulot sa biyuda ni Fernando Poe Jr. na si Ms. Susan Roces para sa remake ng movie. Si FPJ ang orihinal na gumanap ng character na Flavio sa apat na Ang Panday movies.
"Bago rin mamatay si Ninong Ronnie [FPJ], ito yung parang sabi niya sa akin noong huli naming pagkikita, ha... 'That's yours. Panday, that's yours.' Kaya ang dami ng... Ilang taon na siyang wala, pero parang there's something missing. Sabi ko, parang I need to do Panday. Parang may kulang ako na ipinangako sa kanya na dapat ko rin i-fulfill. At ito nga ay ang gawin ang pelikula. Kaya ito, parang tribute to the King," saad ni Bong.
Isa ba sa pangarap niya talagang role ay ang Panday?
"Oo, oo," mabilis niyang sagot. "Nakagawa na ako ng Dugo ng Panday. It took me seven years para ligawan si Ninong Ron na magawa ko yun, na payagan niya ako, na ganoon katagal. Pero nagpapasalamat din ako kay Carlo J. Caparas na pumayag siya na gawin itong Panday. At ano yun, free, walang bayad. Hindi siya naningil. Kaya saludo rin ako kay Carlo J."
2010 ELECTIONS. Kinuha rin ng PEP ang pahayag ni Bong tungkol sa nalalapit na eleksiyon.
"Tingnan natin, masyado nang mabilis ang changes sa pulitika. Ngayon, malakas itong isa, bukas iba naman. So, yung turn of events, napakabibilis. We don't know who will be the next President. Nobody can claim na malakas siya ngayon, bukas, e, malakas pa rin siya. Puwedeng magbago. So, napaka-fluid ng sitwasyon. So, this is anybody's ball game," saad niya.
Senator pa rin ang tatakbuhin ni Bong, contrary sa mga unang naglabasan that he will run for Vice President. Umaasa ba siyang makuha ang No. 1 position sa senatorial race next year?
"Ang makakapagsabi naman niyan ay yung performance natin sa Senado, na hindi tayo nagpabaya. Ginawa natin ang... You can just imagine na nakapagpasa na tayo ng 74 [bills]. Yun ang sa ngayon na bills na batas na ngayon. Nakapag-file tayo ng more than 500 bills. So, hindi nila matatawaran kung ano ang nagawa natin sa Senado," sabi ni Bong.
Pero aniya, "Sa ngayon, e, sa festival muna tayo. Mag-number one muna tayo sa filmfest!"
Wala ring epekto kay Bong kung may mga birada raw sa kanya mula sa kampo ni Hayden Kho. Masaya raw siya sa naging desisyon ng Philippine Regulation Commission (PRC) na tanggalan ito ng lisensiya bilang doktor dahil sa pagkakasangkot nito sa sex-video scandal.
"Natutuwa ako, siyempre. At least, nakita natin na may hustisya pa rin," sambit ni Bong.
Matatapos na ang anim na taon na mong paglilingkod sa ating bayan pinakita mo smin ang husay at galing mo makisalamuha sa ating mga kababayan. Sa dami ng bills na iyong napasa at sa sobrang daming ng tao iyong natulungan kmi ay buong pusong nagpapasalamat syo sa mga nagawa mong kabutihan dito sa bansa natin! Sa darating na election kmi ay naniniwala na mapagpapatuloy mo pa ulit ang paglilingkod dito sa ating bansa dhil alam nmin na marami ka png gustong gwin para sa mapaunlad ang bayan natin at marami ka pa taong matutulungan! Saludo ako syo Senator. Bong Revilla
Good luck sa movie Senator Bong!!!
gudluck s movie