"Ang pagkakaiba po kasi, sa Panday, marami pong mga abubot...mga parang panlaban. May mga bato, may tirador, tapos maraming tali... Lalo na po yun, maraming tali. Yung bato po para sa tirador, tapos mga tali nga po."

Sa Darna, wala siyang dala kaya mabilis daw siyang makapagbihis. Aniya, "Sa Panday po, medyo matagal magbihis, kasi po maraming mga tali 'tsaka maraming inilalagay."

Ano ang mas gusto niya, ang maging sidekick ni Darna o sidekick ng Panday?

"Ay, parehas po, parehas ko pong gusto," sagot niya.

Nang tanungin ng PEP si Buboy kung halimbawang sabay siyang kailanganin ni Darna at ng Panday at kung sino ang pupuntahan niya, bibung-bibong sinabi niya, "Kunwari ang call time ko po sa Panday ay 8 a.m., kunwari lang naman, tapos ang call time ko naman sa Darna, mga 10 a.m., pupunta po ako nang mabilis sa Panday. Tapos sasabihin ko muna sa kanila, magte-taping muna ako ng Darna, tapos babalik ulit ng Panday, tapos babalik ulit ako sa Darna."

Halimbawang sabay na sabay siyang tawagan?

"Sasabihin ko na lang po sa manager ko na ipa-adjust na lang [ang call time]!" sagot niya.

COMMERCIAL WITH SANTINO. Gumawa si Buboy ng commercial ng isang brand ng chocolate milk drink kasama ang kapwa niya child star na si Zaijan Jaranilla, ang gumaganap na Santino sa May Bukas Pa ng ABS-CBN.

Ano ang masasabi ni Buboy tungkol kay Zaijan?

"Mabait po siya, okay po siyang kasama."

Pinag-usapan ba nila ang tungkol sa mga shows nila?

"Ay, hindi naman po, hindi po."

Bilang child stars, ano ang meron siya na wala si Zaijan, at ano ang meron si Zaijan na wala si Buboy?

"Hindi ko po alam, bahala na lang po ang mga taong magsabi kung ano," maingat niyang sabi.

Magkaibigan daw sila ni Zaijan, although hindi raw sila nagkaka-text-an.