Chosen to be the No. 1 OPM Album of 2009 and top 4 overall, including foreign albums, based on the sales of Music One stores, ang "Songs Rediscovered 2: The Ultimate OPM Playlists" ni Jed Madela ang album na pinakamainit na tinangkilik ng publiko noong nakaraang taon.
"I just received the news a week ago," kuwento ni Jed. "This is based sa charts ng Music One na one of the top music stores in the country now. Yung basehan nila is the retail talaga, yung mga taong pumunta sa store at bumili ng album. Di ito yung ibang style ng pagdi-dispose ng album, yung pagbenta.
"Sobra akong saya, sobrang happy ako kasi baby-baby ko 'yan, kasi ako when I do my projects, yung mga albums ko, concerts, talagang hands on ako. Kumbaga pinagpaplanuhan ko talaga. From the planning stage until the marketing, pagpo-promote, sobra kong pinaghihirapan kasi I believe so much in my product, in my album. Kaya nung nalaman ko na yun ang na-reach niya, sobra akong fulfilled."
BREAKING AWAY FROM THE PACK. Patunay lang daw na mukhang naungusan na at natalbugan ni Jed ang mga kasama sa Champions, ang grupong binuo sa ASAP, at siya na ang pinaka-in demand, kung ang pagbabasehan ay ang sales ng kanya-kanyang mga album noong 2009.
"I think di naman tama siguro na gamitin nila ang term na natalbugan or what. I guess each and everyone of us, we have our own style, we have our own time. Kumbaga at one month, it's gonna be one of us, next month iba naman, yun kami.
"We're just happy, one way or another walang naiiwan sa amin kasi it's not a competition anymore. A lot of people are saying na nagko-compete kaming apat but we're not. It's more of support, supporting each other. Example, if we do a production number in ASAP, we try not to outshine each other, it's more of performing as one."
After "Rediscovered 2's" success, may bagong album na namang pinaghahandaan si Jed.
"Nasa planning stage pa, but of course under Universal. It's something different from the usual na na-record ko nang mga album. Talagang pinag-isipan namin na ibang concept na naman ito, something that I've never done before when it comes to recording, when it comes to album. Heto, sobra akong nagha-hands-on talaga and hopefully makaabot siya ng February uli or March. Di namin minamadali kasi gusto namin talagang perfect itong album na ito."
ABOUT RACHELLE. Di niya dineny na bago pa man naging boyfriend ni Rachelle Ann Go sila Christian Bautista at Gab Valenciano ay nanligaw siya sa singer, pero nagdesisyon siyang huwag na lang ito ituloy. Ngayong walang nang boyfriend si Rachelle, itutuloy na ba niya ang panliligaw sa dalaga, lalo't balitang bumalik na ang closeness nila?
"We're good, we're friends, we're maintaining a good friendship. Yung sa amin ni Rachelle, di naman namin pinag-usapan but it's more of a mutual thing na i-maintain namin ang friendship the way it is. Nakita namin na mas enjoy sa amin yung friendship. Pag may problema siya, di siya naiilang na tumakbo akin. The same thing na pag may problema ako, di ako naiilang na mag-confide sa kanya.
"I won't deny that she's special to me, di naman nawawala yun. Once upon a time, I had this attraction to her and di ko naman dini-deny yun."
Balitang lumiligaw daw kay Rachelle ngayon ang vocalist ng Calla Lily. Di kaya masaktan si Jed kung lumalabas si Rachelle with other guys o may bago na namang boyfriend ang singer?
"I don't know about that, di ko alam, wala akong alam tungkol diyan. Walang hurt feelings, I've gone past that phase na kaunting ano lang, naapektuhan ka. It's more of, if you really treasure someone, pag nakita mo that person is happy, magiging happy ka na rin. If ever na magkaroon siya ng bago, I'll be happy for her."
At this time, wala pa raw napupusuan si Jed.
"Wala, wala talaga. But as much as possible, I want somebody outside of the business, siguro outside the industry, pero mahirap din, e. She has to be someone with so much understanding and patience. Kumbaga di siya part ng industry pero alam niya kung ano ang nangyayari, how things are happening in the industry. Mahirap humanap ng ganun pero darating din yun."
This coming February 12 ay may Valentine concert si Jed sa Mandarin Oriental Hotel titled Gift of Love, at sa February 13 naman sa CSI Stadia sa Dagupan City, Pangasinan, with Rachelle Ann Go.