"Pagbalik ko dito, talagang dalawang kamay nakabukas. Tinanggap ako, hindi lang ng management kundi pati ng mga artista at buong production," says Bayani Agbayani about his return to GMA-7.
Bayani Agbayani is thankful to GMA-7 for opening its door to him again
Wednesday, February 3, 2010
04:01 PM
Rating
Sunud-sunod ang TV projects ni Bayani Agbayani sa GMA-7 simula nang bumalik siya sa Kapuso Network matapos ang ilan taon ding pagtatrabaho sa ABS-CBN. Ang latest project nga niya ay ang bagong youth-oriented teleserye na First Time na pinagbibidahan ng mga young stars na sina Joshua Dionisio, Barbie Forteza, at Jhake Vargas.
"Ang maganda kasi, dito talaga planado, e, kung saan ka papunta, kung saan ka patungo. Kung ano ang dapat mong gawin, dapat kang magpapayat dahil may gagawin kang ganito, may gagawin kang ganyan.
"Isipin mo, ngayon pa lang meron na akong First Time, may SRO Meet The Fathers, may daily show, may isa pang show na pambata—apat na kaagad! Ano pang hihilingin mo sa GMA? Pagbalik ko dito, talagang dalawang kamay nakabukas. Tinanggap ako, hindi lang ng management kundi pati ng mga artista at buong production," pagmamalaki ni Bayani nang ma-interview siya ng PEP (Philippine Entertainment Portal) sa grand presscon ng First Time last February 1 sa Studio 6 ng GMA Network.
Maayos ba ang naging paalam niya sa ABS-CBN?
"Oo," sagot niya. "Nagpaalam ako kay Tita Cory Vidanes [ABS-CBN executive], kay Direk Bobet [Vidanes]. Nagpaalam naman ako at pinayagan naman nila ako. Mas maganda kasi wala kang sinasabing masama against any network, e."
NO HARD FEELINGS. Wala ba siyang sama ng loob sa ABS-CBN kaya siya lumipat?
"Wala, kasi talagang ganyan, e. Kung minsan maraming trabaho, kung minsan wala. Pero syempre, bilang artista kailangan humanap ka kung saan ka magkakaroon ng trabaho. Kasi may binubuhay kang pamilya. And besides, marami pang ideas na alam kong higit ko pang maibibigay sa mga tao para makapagpasaya. At marami pa akong puwedeng ipakita sa tao na hindi ko pa naipapakita sa pag-stay ko sa kabilang network," saad ng komedyante.
Totoo ba na nakasamaan niya raw ng loob si Willie Revillame kaya siya lumipat sa GMA-7?
"Hindi," tanggi niya. "Yung sa amin ni Willie, matagal nang naayos yun. Ang talagang dahilan, siyempre, kailangan mo ng trabaho. At ako, naniniwala na bata pa ako at marami pa akong maipapakita.
"Salamat sa GMA at binuksan nila ulit yung pinto nila sa akin. Kasi dito naman talaga ako galing, e. Ang Bayani Agbayani, galing 'yan kay Ma'am Wilma Galvante. Dito ako nagsimula sa production. Hanggang dito ako nagsimulang mag-artista. Kaya dapat siguro dito na rin ako tumanda."
Sinabi niyang sa GMA-7 na siya tatanda, ibig sabihin ba nito ay hindi na niya kailanman iiwan ang Kapuso?
"Oo, awa ng Diyos. Kasi dito ako nag-umpisa, gusto ko dito ko na rin ibigay ang lahat ng nalalaman ko sa likod at sa harap ng camera. Yun na ang gusto kong mangyari sa buhay ko ngayon. Kasi puwede naman ako sa production, puwede ako kahit hindi na ako artista."
Ibig bang sabihin nito hindi niya nailabas yung galing niya off-cam sa ABS-CBN?
"Nung mag-artista kasi ako sa kabilang network, hindi naman ako nag-production, e. Dito kasi, nag-production ako at nag-artista ako. So, kung may babalikan man ako sa production, palagay ko dito ko na ibubuhos ang lahat."
May provision ang GMA-7 na kapag may exclusive contract na sa network ay hindi na puwedeng gumawa ng ibang shows sa ibang network. Paano na ang show niya sa TV5 na Kiddie Kwela?
"Sa ngayon, hindi pa ako mawawala doon kasi previous commitment ko na yun. Yun kasi ang napag-usapan namin bago ako pumirma ng exclusive contract. Kasi ang kontrata ko rito, two years. So, sabi ko sa kanila, 'Ma'am, may napirmahan na akong iba bago pumunta dito. Puwede po bang tapusin ko na muna yun?' Isa na lang ang show ko doon, yung Kiddie Kwela."
VERSUS SHOWTIME. Kumusta na yung daily show na may dating titulo na Todo Bigay na pagsasamahan sana nila ni Manny Pacquiao?
"Tuloy na po yung daily show," pagbabalita ni Bayani. "Nag-dry run na kami ng mga anim na beses na. Ang airing namin ay sa February 8 na. Tuloy na tuloy na. Pero hindi na Todo Bigay ang title niya. Hindi ko pa puwedeng sabihin kung ano yung ipinalit na title. Basta abangan niyo."
Nanghinayang ba siya na hindi natuloy ang pagsasama nila sana ni Manny?
"Ako kasi, ang pakiramdam ko lagi pag hindi talaga ukol, hindi bubukol, e. Pagka hindi sa iyo, hindi para sa iyo, e."
- Bayani Agbayani jumps to TV5 after working on ABS-CBN and GMA-7
- Bayani Agbayani plays quirky police chief in new TV show JejeMom
- Bayani Agbayani on Diz Iz It imitation issue : "There's no such thing as original in television."
- Bayani Agbayani can still work with TV5 while under Kapuso contract
- Comedian Bayani Agbayani is back to Kapuso network
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Nancy Castiglione on Vicki Belo and Hayden Kho Jr. split: "I don't really know what's going on."
- MTRCB Chairman Grace Poe-Llamanzares on the new SPG rating for TV
- Louise delos Reyes and Enzo Pineda to go on a Valentine date via Skype
- Jon Hall on his new romance: "I've had enough drama in my life...I just want a peaceful relationship. Wala nang sigawan or awayan."
- Mikael Daez keeps his shirt on in new series
- For Jennica Garcia, it's career first before love life
-
Music
The MYX Music Awards will take place on March 13 at the Music Museum with a '70s-OPM-themed event.
-
TV Rating AGB
Kapuso programs sweep both daytime and primetime race.
-
The Pulse
What PEPsters will watch daily during noontime...
Hosts of both Eat...Bulaga! and It's Showtime! believe that having the same timeslot is a healthy competition.
-
Indie
PEP REVIEW: Pintakasi : How art saves
Pintakasi will have February 8 and February 29 screenings in select SM cinemas.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Mark Bautista remains friends with Piolo Pascual after being involved in the actor's breakup with KC Concepcion
- PEP SPECIAL REPORT PART I: Why the marriage of Kris Aquino and James Yap was declared null and void
- Is it over between Dra. Vicki Belo and Hayden Kho, Jr?
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Director Mac Alejandre talks about his four-year contract with TV5 and reveals the real reason he left GMA-7
Advertisement
