"It's been one year and three months na wala akong ginagawa. Feeling ko, para akong nabobo. Parang hindi na ako makaka-memorize ng script kung hindi pa ako magtatrabaho," says Claudine Barretto.
Claudine Barretto on Teleserye Queen title: "Basta ang alam ko, kaming dalawa ni Juday 'yon."
Saturday, March 13, 2010
02:54 PM
Rating
More than a year na ang huling teleserye na ginawa ni Claudine Barretto sa dati niyang home network na ABS-CBN, ang Iisa Pa Lamang, kung saan nakasama niya sina Gabby Concepcion, Diether Ocampo, Angelica Panganiban, at Laurice Guillen.
Sa una naman niyang proyekto sa GMA-7, ang drama anthology na Claudine, ang co-star niya noon sa Iisa Pa Lamang na si Laurice ang magdidirek ng unang episode ni Claudine na pinamagatang "Alzheimer." Ito ang unang pagkakataon na madidirek ni Direk Laurice si Claudine.
Binisita ng PEP (Philippine Entertainment Portal) at iba pang entertainment press ang first taping day ni Claudine para sa kanyang drama anthology kahapon, March 12, sa Samar Avenue, Quezon City.
Habang kausap namin si Claudine ay katabi niya si Direk Laurice at sinabi ng aktres na gusto niyang magpa-one-on-one workshop sa kanyang direktor.
Paliwanag ni Claudine, "Gusto kong mawala yung fear ko kapag nagge-guest ako nang live sa mga shows. Kapag may mga kamera na, nakakaramdam talaga ako ng nerbiyos. Ewan ko kung napansin n'yo yun nang una akong mag-guest at i-welcome sa SOP."
Umoo naman si Direk Laurice at mag-i-schedule daw sila ng oras para sa kanilang one-on-one workshop. Pagkatapos nito ay bumalik na sa taping ang direktor.
RAYMART AS CLAUDINE'S LEADING MAN. Bagamat todo-todong drama ang karamihan ng mga eksena ni Claudine sa "Alzheimer" ay mukhang masayang-masaya ang aktres habang kausap namin siya. Ayon kasi kay Claudine, masaya dahil pumayag ang mister niyang si Raymart Santiago na makatambal siya sa first episode ng kanyang drama anthology.
"Ilang beses na kasing in-offer sa kanya ito, pero nang malaman niyang drama, ayaw daw niya. Nahihirapan daw siya, napapagod siyang magdrama," kuwento ng bagong Kapuso star.
Paano niya napapayag si Raymart?
"Siguro, dahil sa bago niyang kotse," sagot ni Claudine. "Matagal na niyang gustong bumili ng bagong kotse, may nakita raw siyang gustung-gusto niya, Porsche. Turbo siya pero hindi ko alam kung ano exact name nito. Yun, pagkatapos niyang mabili ang car, tinanong niya ako kung open pa raw yung offer na makatambal ko siya.
"Pero ako naman ang medyo kinabahan nang mag-start na kami ng eksena namin. Nakita kong napakahusay pala ng asawa ko. May eksenang sabi ni Direk Laurice, umarte raw kami kung paano kami sa bahay. Mahirap pala kapag sa harap na ng kamera, hindi ko siya matingnan nang diretso sa mata. Di ba, crush ko muna siya noong bata-bata pa ako? Dala ko pa rin 'yon hanggang ngayon. Six years kasi ang tanda ni Raymart sa akin!" natatawang kuwento ng 30-year-old actress.
THE BIG MOVE. Alam ng lahat na isa sa pinakamalaking bituin ng ABS-CBN si Claudine kaya marami ang nagtaka nang magdesisyon itong lumipat sa GMA-7. Ano nga ba ang naging dahilan kung bakit nagdesisyon siyang maging Kapuso?
"Gusto ko pa ring mag-grow as an actor," seryosong sagot ni Claudine. "It's been one year and three months na wala akong ginagawa. Feeling ko, para akong nabobo. Parang hindi na ako makaka-memorize ng script kung hindi pa ako magtatrabaho.
"Hindi naman ako nahirapang lumipat dahil kilala ko na ang mga boss dito [sa GMA-7] dahil kay Raymart. Madalas din silang nagdi-dinner sa bahay kapag inimbita ni Raymart. Saka nakaranas na rin akong makapagtrabaho dito dahil naige-guest ako sa shows ng asawa ko paminsan-minsan."
Ano ang expectations niya ngayong nasa GMA Network na siya?
"Alam kong magiging masaya ako dito," sabi ni Claudine. "Mas marami akong makakatrabaho, mas marami akong mata-tackle na roles, bagong directors na hindi ko pa nakatrabaho. Sa ngayon kasi, may 26 weeks na silang in-offer sa akin. Bale six months at baka maging one year pa ito. Bukod sa drama, mayroon ding comedy, suspense-thriller, romantic-comedy, action-drama.
"Masaya dahil alam kong maraming magkakaroon ng trabaho. Gusto ko ring makatrabaho sina Dingdong Dantes, Dennis Trillo, Marian Rivera, Iza Calzado... Tama na muna sa akin ang drama anthology para may time naman ako na gumawa rin ng movie."
How about working with ex-boyfriend Mark Anthony Fernandez?
"Siguro po, saka na lang kami magtrabaho together dahil pareho na rin naman kaming busy ngayon. But after po ng mga nangyari, I'm okay na," nakangiting sabi ni Claudine.
Paano niya maiku-compare ang pagtatrabaho sa ABS-CBN at ngayon sa GMA-7?
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- Claudine Barretto and husband Raymart Santiago fly to Italy on January 24 for their second honeymoon
- Claudine Barretto admits 2011 was not a good year for her; promises "a better Claudine, a better actress, a better idol" this 2012
- Raymart Santiago and Claudine Barretto deny rumored separation: "We are still together..."
- Claudine Barretto's disappearing bank account still a mystery
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Marian Rivera on working with Dingdong Dantes: "Mas tumindi kung ano man meron kami ni Dong. Hindi lang as partners...pati friendship namin."
- Comedienne Mosang says she lost P105,000 in a scam
- JC Tiuseco denies rumors he's courting Sarah Lahbati
- Alex Gonzaga hosts new game show with Chris Tiu
- Saab Magalona enjoys playing a villainess in new series
- Liz Uy keeps mum about rumored romance with Ely Buendia; refuses to comment on PNoy-Grace Lee hookup
-
Profiles
ChicoSci vocalist Miggy Chavez plans to venture into tattooing and acting
After playing a small role in Segunda Mano , Miggy says "Why not?" to doing more mainstream projects.
-
Travels
Derek Ramsay and Angelica Panganiban in South Africa!
Angelica singles out this trip for bringing her and Derek closer.
-
Society Watch
Divine Lee supports gender equality and gay rights.
-
In Focus
John Lloyd Cruz chooses to keep silent about Shaina Magdayao
John Lloyd: "I am indeed better than ever."
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Director Mac Alejandre talks about his four-year contract with TV5 and reveals the real reason he left GMA-7
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Is it over between Dra. Vicki Belo and Hayden Kho, Jr?
Advertisement
