"Wala namang perfect. Pero ang importante, hindi naaapektuhan ang trabaho. Wala namang perpekto. Hindi naman all the time, sang-ayon ka sa lahat ng circumstances. Maaaring nangyayari talaga yun, pero ang importante, hindi siya nakakaapekto sa trabaho at nagiging maayos din ang lahat," says Dingdong Dantes about his relationship with girlfriend Marian Rivera.
Dingdong Dantes admits relationship with Marian Rivera is "not perfect"
Thursday, August 12, 2010
12:26 PM
Rating
Nagkaroon ng pagkakataon ang PEP (Philippine Entertainment Portal) na makausap si Dingdong Dantes sa anniversary ng Belo Clinic sa Greenhills branch nito noong Tuesday, August 10.
August 2 ang actual 30th birthday ni Dingdong. Ayon sa kanya, nai-celebrate niya ito with a party dahil na rin sa pag-o-organize ng girlfriend niyang si Marian Rivera. Noong August 1, dumalo siya sa pag-alaala ng 1st death anniversary ng dating Pangulong Cory Aquino sa Greenhills.
"Nag-attend ako ng Mass ng death anniversary ni Tita Cory at doon sa Mass na yun, ni-recognize yung tinatawag na 'People Power People.' Nandoon ang mga grupo ng mga organization na tutulong sa administrasyon ni P-Noy [Pres. Aquino]. Isa ang YesPinoy Foundation sa napili, alongside Gawad Kalinga, KIDS Foundation. So, kami yung, parang, like sa Yes, ano siya, sa education. Kung housing, nandiyan ang Gawad Kalinga," lahad ni Dingdong.
Ang Yes Pinoy Foundation ay ang nongovernment organization na itinatag ni Dingdong noong August 21, 2009, para magbigay ng educational scholarships sa mga kabataan. Ang People Power People naman ay isang bagong tatag na movement na naglalayong ibalik ang spirit ng People Power 1 sa Edsa noong 1986.
Ang gobyerno ba ang kumikilala sa mga foundation na tulad ng Yes Pinoy?
"Ang nag-acknowledge sa amin, yung Ninoy-Cory Aquino Foundation," sagot ni Dingdong. "Sila yung parang spearhead kasi ng People Power People na ito. Ang ibig sabihin lang, part ka ng isang movement na naniniwala na yung different private sectors are now implementing ng mga gustong makamit ni P-Noy in his first one hundred days and beyond.
"So, parang ito lang ang sagot ng tao, na hindi lang naman natin siya babantayan, like ibabatikos, or siguro hihintayin na gawin niya ang lahat. Parang it's our way of saying na kailangan din nating gawin ang part natin."
Feeling ni Dingdong, isang magandang regalo sa kanyang kaarawan ang pagkilala sa Yes Pinoy Foundation.
"Wala pa ngang one year siya," sambit niya. "In fact, hindi pa nga namamatay si Tita Cory, binubuo ko na ang foundation at na-register siya noong August 21. So, wala pa siyang one year talaga. At nabigyan siya ng recognition. Para sa akin, isang malaking bagay yun na napasama sa malalaking organisasyon na matagal nang naririyan. So, for me, maganda siya."
MARIAN TAKES CHARGE. Sa mismong araw naman ng birthday ni Dingdong, noong August 2, si Marian ang naghanda ng lahat for his party along with his family.
Kuwento nga ni Dingdong, "Si Marian yung nag-arrange ng caterer, siya yung nag-imbita. Hindi naman siya surprise na wala akong alam, pero hindi na nga lang ako nagpunong-abala. Kasi, kapag tumatanda ka na, ayaw mo nang masyadong mag-abala.
"So, yun lang, inayos niya. Dumating naman ang family ng mga 8 o' clock. Family niya dumating, nag-dinner sa bahay. Tapos, sinalubong na lang namin ang birthday ko na nandoon sila. For me, enough na yun."
Bukod sa birthday party, alam namin na may iba pang birthday gift sa kanya si Marian. Pero ayaw ni Dingdong na sa kanya manggaling kung ano ito. Si Marian na lang daw ang tanungin namin tungkol dito.
Pero ayon sa aktor, "Siguro ang pinakamahalagang gift na ibinigay niya sa akin, hindi naman yung materyal na mapanghahawakan, kung hindi yung pasensiya, na puwede siyang magpuyat kasabay ko at makihalubilo sa napakarami kong bisita. Bilang hindi naman din siya parte ng isang malaking pamilya.
"Kapag may okasyon na ganoon, sanay siya sa konti lang. Pero kami, napakarami namin. At ako pa, napakahilig kong mag-stay hanggang matagal at magse-celebrate ako."
AWAY-BATI? Masaya rin si Dingdong sa mas papaganda at mas pataas na nakukuhang rating ng kanilang primetime series ni Marian na Endless Love. Kinumusta namin ang working relationship nila ni Marian ngayon dahil may mga naririnig kaming usap-usapan tungkol sa kanila.
"Okey lang, hindi naman perfect, pero okey siya," sagot niya.
Diniretso na naming itanong sa kanya ang nakarating sa aming balita na madalas daw silang away-bati. Totoo ba ito?
"Hindi naman maiiwasan," pag-amin ni Dingdong. "May time na oo. Wala namang perfect. Pero ang importante, hindi naaapektuhan ang trabaho. Wala namang perpekto. Hindi naman all the time, sang-ayon ka sa lahat ng circumstances. Maaaring nangyayari talaga yun, pero ang importante, hindi siya nakakaapekto sa trabaho at nagiging maayos din ang lahat."
Sa isang interview nila ni Marian noon, pareho nilang sinabi na ilang minuto lang halos tumatagal kapag nagkakaroon sila ng away o tampuhan. Hindi na ba ganoon ngayon?
- Part 2 Dingdong Dantes squashes network-transfer rumor; hints possible movie project with Richard Gutierrez
- Part 1 Dingdong Dantes's look as angel of death in My Beloved reminds Marian Rivera of Orlando Bloom's Legolas role
- Part 2 Dingdong Dantes still undecided where to take Marian Rivera on Valentine's day; admits to eyeing a special gift for her
- Part 1 Dingdong Dantes surprised at how Marian Rivera has adjusted to her character in My Beloved
- Dingdong Dantes takes his shirt off for new serye and launch of deo-cologne
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Katrina Halili on Hayden Kho's return to showbiz: "Ow? That guy? He's coming back? Oh, good luck to him!"
- Lea Salonga compares professionalism of teen stars then and now: "It just seems to be a different culture, it just seems to be a very different showbiz..."
- Barbie Forteza walkout on the set not true, says mom; they were given permission to leave early because they had a plane to catch
- Erik Santos: "Pwede ko bang i-try maging Martin Nievera?"
- Manny Pacquiao a changed man since he started reading the Bible
- Former child actress Miles Ocampo finally introduced as teen star
-
Homes and Family
Priscilla Meirelles reveals how pregnancy made her world "turn 360 degrees"
She says her initial plan was to get pregnant two years after her wedding, but she realizes, "God's time is the perfect time."
-
Television
AKTV and PBA heighten "Kampihan Na!" campaign for Commissioner's Cup
PBA continues its campaign of asking fans to be more vocal about their support for their favorite basketball teams.
-
Music
The MYX Music Awards will take place on March 13 at the Music Museum with a '70s-OPM-themed event.
-
Looking Back
Star For All Seasons Vilma Santos looks back at her 50 years in showbiz
Vilma names her most memorable films and favorite leading men.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Part 2 Dolly Anne Carvajal on Carmina Villarroel-Claudine Barretto issue: "I stand by my story."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Director Mac Alejandre talks about his four-year contract with TV5 and reveals the real reason he left GMA-7
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
Advertisement
