Ayon sa report ng Showbiz Central kahapon, October 31, nakabangga diumano ang kotseng minamaneho ng sexy star at singer na si Sheree ng isang AUV (Asian Utility Vehicle), noong Sabado, October 23, sa pagitan ng alas-sais at alas-siyete ng gabi.
Sa loob daw ng AUV ay apat na katao. Kasama naman ni Sheree sa kotseng sinasakyan ang kanyang personal assistant.
Ayon pa sa report, inirereklamo ng mga taong nabangga diumano ni Sheree, na tinakbuhan sila ng singer-sexy actress matapos silang mabangga nito.
Si Sheree ay ang Davaoenang singer na mas nakilala bilang isa sa mga miyembro ng Viva Hot Babes nung early 2000s, at kasalukuyang live-in partner ng Party Pilipinas singer-host na si Gian Magdangal.
Naganap ang sinasabing banggaan malapit sa Centennial Terminal ng Ninoy Aquino International Airport (NAIA).
Salaysay sa Showbiz Central ng isang "Linda," na isa sa mga sakay umano ng AUV—na inilawan ng show para hindi makilala ang mukha sa telebisyon—nagkukuwentuhan sila habang sakay ng kanilang sasakyan nang biglang may sumalpok sa likuran ng sasakyan nila.
"Yung mukha naman niya, apologetic," pag-describe kay Sheree ng isang "Tina," na sakay din umano ng AUV at naka-silhouette din lang sa TV.
"Kaya lang, yung ginagawa niya is parang kabaligtaran. Nagmamadali siya, e!"
Tinangka raw ni Sheree na iiwas ang kotse nito at patakbuhing muli matapos makabangga.
Pagpapatuloy ni "Linda" sa Showbiz Central, "Sabi ko, 'Teka muna, huwag kang umalis!' So, parang pasigaw na rin ako dahil nabigla na rin ako ng reaksyon niya na parang patakas siya na hindi ko maintindihan."
SHEREE'S SIDE. Nakuha ng showbiz talk show ang panig naman ni Sheree.
Ayon kay Sheree, "I was able to tell the girl that I was in a hurry because I have to catch my flight going to the airport, but she did not listen."
Sinabi rin niyang hindi raw talaga siya sigurado nang mga panahong iyon kung nakabangga nga siya.
"I was not sure, actually, that I hit their car," sabi nito, sabay pag-amin na, "kasi we were in a hurry."
Pagpapatuloy nito, "It was traffic and then I opened my window and suddenly there was this screaming lady. I was scared!"
kung wa insurance, at this point, mas mabuti pa siguro kumuha ng mediator kasi very belligerent yung mga nakabangga ni sheree, at walang kahihinatnan yan kung puro galit at emosyon ang paiiralin. dapat maging mas sensible naman at sunudin ang batas. magbayad ang dapat magbayad, pero hindi ibig sabihin na porket malakas ka sumigaw at nagpa press ka e basta ibibigay na lang sa iyo yung perang gusto mo. harassment yan. at yung kasulatan na sinasabi nila, kung yan e naibigay sa kanila dahil under duress yung pamilya nung lalaki, aba e malamang maging void ang kasulatan na yun.
Sana yung PA na ni Sheree ang nag take charge sa situation pero I guess natakot na rin sila sa mga sumusugod sa kanila.
35K over price naman yan, ipa estimate nyo yung sira sa auto shop.. Kinukwartahan lang si Sheree kasi malapit na pasko.
Ang laki naman ng hinihingi. 35k? Overrrrr
Sheree is not Davaoena. She is from Cagayan de Oro.