Marami ang nanibago at humanga sa ipinakitang performance ni Ciara Sotto sa kanyang character bilang Mimi sa musical play na Rent, which had its final run last weekend sa RCBC Plaza sa Makati City.
Nilagyan ng panibagong twist ang role ni Ciara bilang prostitute nang samahan nila ito ng pole dancing, kunsaan nakikilala ngayon ang actress-singer. Naging maganda ang pagkakapasok ng pole dancing scene niya kunsaan habang nakalambitin sa pole ay kumakanta rin siya.
Second musical play ni Ciara ang Rent. Pero malaki ang kaibahan ng ginawa at ipinakita niya rito kumpara sa una niyang play na Magsimula Ka. Maganda rin ang mga naging review sa kanya sa Magsimula Ka, although wholesome ang character niya ro'n kumpara dito sa Rent.
"This has got to be my favorite role. I am in love with theater and being cast in Rent is another milestone in my career as a performer," sambit ni Ciara nang makausap siya ng PEP (Philippine Entertainment Portal) sa telepono noong Lunes, March 7.
Dugtong pa niya, "I had to imbibe the character well so I watched the movie and the Broadway play on DVD. I also watched movies and focus on people with AIDS [Acquired Immune Deficiency Syndrome]."
Ngayong tapos na ang staging nila ng Rent, marami raw siyang nami-miss.
"I'm surely going to miss singing upside down!" tawa ni Ciara. "I'm going to miss everyone in the cast, the staff and crew. They've been really helpful to me."
SHEREE & GIAN. Silang dalawa ng sexy star na si Sheree ang magka-alternate sa role na Mimi. Hindi siyempre maiiwasang makumpara ang performances nila. Ano ang masasabi ni Ciara rito?
"I always tell Sheree that she's the 'hot and sexy Mimi.' I just don't really see myself sexy. I'm more boyish than sexy!" natatawa niyang sabi.
"But Sheree is my friend and she was helpful, too," pahabol niya.
Ang leading man nila sa Rent ay si Gian Magdangal, who played the role of Roger. Tinanong ng PEP si Ciara kung hindi ba siya nailang na ang katrabaho or "pini-flirt" niya sa stage ay real-life boyfriend ni Sheree.
"At first, I thought that I would have a hard time. But Gian's a good friend and so is Sheree, so I kinda got the hang of it after a week of rehearsals. I just had to do what was asked of me in the script and I was just following the instructions of my director," saad ni Ciara.
TITO SOTTO. Kuwento pa ni Ciara, matagal bago nanood ng Rent ang daddy niya na si Senator Tito Sotto. Alam kasi nito kung gaano ka-daring ang character na ginampanan niya onstage. Pero pumayag ding manood ang TV host-politician during the play's final run.
Kumusta naman ang naging reception ng daddy niya sa kanyang pagganap?
"My dad says he liked the play and the whole production. He says that he could sense that I was a little reserved because I didn't come out malaswa!" natawang sabi ni Ciara.
