"More than worth it.  Lahat ng bagay may oras, lahat ng bagay pinaghahandaan, when it's time, it's time.  Hindi naman ako papasok sa relationship if it's not for the long haul, but just the same, ayoko nang magsalita kasi sasabihin na naman na nagsasalita ka, you're flaunting it so I'd rather keep quiet.  Nakakasakit minsan ang sinasabi ng tao so let's leave it at that."       

Naggaling sa America si Piolo para sa kanyang solo concert tour along with Pokwang. Agad din naming kinumusta sa aktor ang anak na si Iñigo at kung bukas na ba siyang  pag-artistahin ito gaya ng gusto naman daw talaga ng bata.     

"I didn't get to see him because I was mostly in New York, nag-travel ako to New York, to LA, but mostly for training so hindi ako nagkaroon ng chance na makita yung bata pero hopefully this  vacation, makakauwi siya.      

"Ayoko talaga, ayoko siyang mag-artista pero bahala na if he wants to pursue acting.  He's musically inclined, natutuwa ako, andami niyang alam i-play na instrument. Wala nga akong alam na tugtugin pero siya, he plays piano, he plays the guitar, he sings, he dances," ang sabi ni Piolo.

"He's really talented, I'm really excited for him pero tapusin na muna niya ang pag-aaral niya, yun naman ang deal namin.      

"Hindi naman madaling trabaho ang showbiz, e, so sana lang just make sure he has a fallback. Kasi kapag hindi mo natapos ang pag-aaral mo, nakakatakot yun, nakakatakot naman kung wala kang babalikan.  Education lang ang dadalhin mo pagtanda mo."       

Nabalita before na gagawa si Piolo ng pelikula with Kim Chiu pero hindi ito natuloy. Instead, he is shooting  a movie with Angelica Panganiban. 

May isyung lumabas na hindi raw natuloy ang movie nila ni Kim dahil may mga sexy scenes daw na dapat gawin na hindi pa raw kasi kayang gawin sa ngayon ng young actress kaya nga siya pinalitan ni Angel.      

"Nagkaroon lang ng kaunting problema sa schedule but definitely, I'm  gonna be doing a movie with Kim.  Hintay lang tayo ng oras kung kailan mag-swak ang schedule namin, pero I started shooting the movie with Angelica already.

"Of course it's under Star Cinema pa rin and I'm excited.  It's been more than three years since last akong gumawa ng pelikula kaya every time I go to the set, I look forward to working. Ilang linggo rin akong nabakante dahil nagbakasyon tapos nagpunta pa ako ng America. 

"Itong pagbalik ko, hirap lang talagang mag-adjust sa puyat but I'm excited because yung katrabaho ko yung bagong blockbuster director, si Direk Mae Cruz at siyempre si Angelica, na last kong nakatrabaho sa Mangarap Ka for TV. She was barely 18 [then], ngayon sobrang dalagang-dalaga na siya.     

"[But] it's a different concept; hindi parehong pelikula yun. Iba yung kay Kim, iba yung kay Angelica," ang sabi ni Piolo.