Ipinarating ng ilang kasamahan sa press ang opinyon nila na dapat ay isa si Ryza Cenon sa ipinu-push ng GMA-7, lalo na't homegrown talent siya bilang female winner ng StarStruck Batch 2.

Halatang natuwa naman si Ryza sa narinig.

Aniya, "Talaga? Pero siguro, baka hindi ko pa talaga time. 

"Ayoko kasing magkaroon ng negative thoughts or feeling. Baka naman hindi ko pa talaga time. 

"Ayoko kasi na mag-ano sa loob ko na baka ayaw nila sa akin, or baka hindi ako magaling. 

"Ayoko ng negative."

Dugtong din niya, "Pero siyempre, masaya naman ako na may mga taong naniniwala sa akin na kaya ko. 

"Na kaya kong panghawakan ang isang role na pang-bida. 

"Masaya ako na may naniniwala sa akin sa bagay na yun."

Para kay Ryza, blessing sa kanya kahit na anumang trabaho ang dumating sa kanya.

Saad niya, "Hindi ko naman nararamdaman na baka may kulang or dapat na ganito, kasi araw-araw naman akong nagwo-work.

"Importante rin naman sa akin ang work. Kasi siyempre, nag-iisa na lang din naman ako.

"So, as much as possible, mas gusto ko ang gusto nilang [management] mangyari sa akin.

"Pero siyempre, paano, di ba? Hindi ko rin alam ang gagawin ko. 

"Lahat naman ng ipinapagawa nila sa akin, ginagawa ko rin naman.