Nag-sink in na raw kay Rocco Nacino na siya ang gaganap na Lam-Ang sa epic movie na gagawin at ipu-produce ni Ilocos Sur Vice Governor DV Savellano at ididirek ni Ana Agabin.

Nang dumalo si Rocco sa story conference ng naturang proyekto noong Sabado, February 18, doon lang daw niya naramdaman na kanya na nga ito.

Kaya lalo raw nagkaroon ng pressure sa kanya dahi malaking challenge daw ito sa kanya bilang aktor.

Saad ng young actor sa PEP.ph (Philippine Entertainment Portal), "It means so much to me na nakapasa ako sa audition.

"Hindi ko po ini-expect na na-impress ko po ang director namin.

"Ngayon, mas dedicated ako na ipakita sa kanya kung bakit ako ang napili

"Totoong mas nakaka-pressure.

"Iyon nga ang sinasabi ko na dati na nakaka-pressure, pero nakaka-excite din.

"Pero ngayon, mas nakakadagdag ng pressure talaga."           

Natanggap na raw ni Rocco ang script at sisimulan na raw niyang basahin ito, pero nagsimula na raw siyang mag-research kung sino si Lam-Ang na nakilala sa Ilocano epic na ito.

Ang buong akala ni Rocco, si Isabelle Daza ang makakatambal niya rito, pero hindi na raw ito matutuloy.

Wala pang napili ang produksiyon kung sino ang makakapareha niya rito, na malamang magpapa-audition na naman sila uli.

May nag-suggest na bakit hindi na raw ang "special friend" niyang si Sheena Halili ang kuning makakapareha nito dahil matagal na rin itong nauugnay sa kanya.

"Why not? Para magkasama na kami sa Ilocos," mabilis namang sagot ni Rocco, na parang tuwang-tuwa.

UNOFFICIALLY YOURS. Pero hanggang ngayon ay consistent pa rin sa pagsagot si Rocco na hindi pa rin daw sila official na magkasintahan ni Sheena.