Makabagbag-damdamin ang paalamang Eula Caballero at David Archuleta sa set ng TV5 mini-series na Nandito Ako.

Kuwento ni Eula sa PEP.ph (Philippine Entertainment Portal), "Yung pinaka na-appreciate ko, yung depth nung pagkatao niya.

"Nung nagkukuwentuhan kami, wala lang... parang nung una, sobrang light lang ng kuwentuhan. 'How are you, have you slept well?' Ganun...

"'Tapos biglang napunta sa family... 'tapos alam mo yung ganun siyang klase ng tao.

"Natanong ko siya about his mission, kasi kung narinig ninyo yung tungkol sa mission niya, so natanong ko siya."

Ang tinutukoy ni Eula ay ang two-year mission ni David para sa The Church of Jesus Christ of Latter-Day Saints.

Patuloy ng Kapatid young actress, "Sabi niya, 'I'm happy that I'm doing this for my religion.'

"Parang nabubuo daw siya lalo, mas lalo siyang nabubuo.

"'Tapos sabi niya, 'It's just making me sad because I'm afraid that everyone might move on with their lives without me.'

"Na parang masanay na lang na wala siya kasi sobrang haba daw ng two years.

"Sabi niya pa... Lalo na yung mga sisters niya, na may isa daw na sister niya na magsi-sixteen, 'tapos yung isa, parang magdyu-junior high, sabi niya, 'I wish I could be there with them when that happens.'

"Sabi ko, 'Oh, my God!'

"Naiiyak na talaga ako habang sinasabi niya yun kasi siya mismo, teary-eyed din."

Dagdag pa ni Eula, "Alam mo yung ang lalim ng pagkatao niya, ang dami niyang iniisip... yung pamilya niya.

"'Tapos sabi niya, may last month pa daw siya bago siya mag-mission, gusto daw sana niya i-spend sa Philippines kasi sobrang napamahal na siya.