LAST WEEK. Sa huling linggo ng Kokak ay marami pa raw dapat abangan, ayon kay Sarah.

"Kailangan po talagang tutukan ang pagtatapos ng Kokak dahil hindi ko na-imagine yung sarili ko na yung isang araw, yung mga crying scenes siguro mga thirty-twenty five so... twenty plus yung mga heavy scenes or thirty.

"Minsan nga, mga 2 a.m., parang numb na yung emotions ko.

"Sunud-sunod na eksenang iyakan yun. Grabe po!

"So, kailangan nilang abangan yung pagtatapos, kung ano ang mangyayari sa story at sa characters namin.

"Mag-ready sila ng tissue at sisiguraduhin kong maiiyak sila."

Ano ang mami-miss ni Sarah kapag natapos na ang Kokak?

"Honestly, yung bonding namin sa taping nila French [Frencheska Farr], si Vaness [del Moral], si JC [Tiuseco], si TJ... actually lahat kami."

WHAT NEXT? Napuri nga siya ng director nilang si Ricky Davao dahil sa malaking improvement niya sa acting.

Ano ang reaksiyon niya rito?

"Wow! Ano po, e, yung mabigyan po ng isang show 'tapos title role, kailangan ko talagang ibigay yung best ko.

"Napakaraming may gusto na nasa posisyon ko ngayon and matagal ko itong pinangarap, so alam ninyo po yun?

"'Pag may matagal kang gusto, 'tapos nasa yun, bibitawan mo pa ba?

"Lahat po talaga ng best ko, ibinigay ko dito sa Kokak."

NEXT IN LINE. Sa pag-alis ni Iza Calzado sa GMA-7, ang obserbasyon ng iba ay silang mga "next in line" ay mas nagkaroon ng tsansa na maging reyna ng Kapuso network at magbida sa mga soaps. Na mas "lumuwag" ang kumpetisyon.