Kasama si LJ Reyes sa indie film na Intoy Syokoy na isa sa mga official entries para sa Cinemalaya ngayong taon.

Ang pelikula ay isinulat ng Palanca award-winning writer na si Gerry Gracio at mula sa direksiyon ni Lemuel Lorca.

Ang producer ng pelikula ay sina Boy Abunda at Boy So.

Nang makausap ng PEP.ph (Philippine Entertainment Portal) si LJ sa telepono, masaya nitong ibinalita na nakapag-workshop na siya at iba pang cast ng pelikula. 

Ang isa sa bida ng pelikula ay ang Kapamilya actor na si JM de Guzman.

Ayon kay LJ, “Yung workshop, more on parang hinimay yung character namin ni JM. 

“Nakaka-pressure kasi si Tito Pen Medina… ang galing niya!”

Sa workshop daw unang beses nakilala ng Kapusong si LJ ang Kapamilyang si JM. 

Kuwento pa ng StarStruck alumna, “Feeling ko naman, okay naman siyang makatrabaho. Magaling naman si JM.”

Makakasama rin daw nila sa Intoy Syokoy si Joross Gamboa kunsaan magkakaibigan ang mga karakter nila.

Sila ni JM ang magkapareha sa pelikula.

Ayon pa kay LJ, “Oo, akala ko, the movie talks more about the place. Pero it’s a romantic film din pala.”

Natawa si LJ nang tanungin namin kung may love scene sila ni JM.

“Meron! Kay JM isa, pero maraming love scenes kasi yung character ko, may pagka-pokpok.”

MOST DARING. Aminado si LJ na ito ang pinaka-daring na role na gagawin niya.