“Pero siyempre, meron namang mga professional way para i-address ang iyong mga issue.

“And nandiyan naman ‘yong mga big bosses na puwede mo silang i-consult about it.”

Pahayag naman ni Shalala, “At saka sana after the show, doon pa lang nag-usap-usap na, ‘Uy, hindi ko nagustuhan ‘yon.

"'Bakit kailangang ganunin n’yo ako? Nabastos ako and everything.'”

RUFFA WAS BRIEFED. May sagot naman ulit si Cristy.

Aniya, “Tayo’y laging marespeto sa emosyon ng ating kapwa. May iba-iba tayong interpretasyon tungkol sa iba’t ibang bagay.

“Ipinagpaalam sa kanya iyon [Bulong ng Palad]. Na-brief siya roon ng staff.

"At anuman pong bagay na sinabi sa atin at binigyan natin ng basbas na ituloy, wala pong kabastusan doon.

“Tatlong beses nang ginawa sa show ang Bulong ng Palad. Kay BB Gandanghari, kay Iwa Moto, at saka kay Arnell Ignacio.

“At sa tatlong beses po na pumailanlang sa himpapawid ito ay wala pong nagreklamo na sila ay nabastos.”

DELAYED REACTION? Kung gano’n, masasabi bang delayed reaction ang ginawa ni Ruffa?

“'Yong pagdating sa akin ng balita, para sa akin, e, may katagalan,” ani Cristy.

“Kasi no’ng bumaba nga kami, maayos naman.

“At tama si Shalala na pupuwede namang pagkatapos ng show...” ibinulalas ang kanyang sama ng loob ang nais tukuyin ni Cristy.

“Ano ba naman ‘yong mga bossing?” pupuwede naman daw nasabi sana ni Ruffa.

“Nando’n din ang staff. Sana ay kinausap niya. O doon sa loob ng isang kuwarto siya ay nagreklamo.

“Ang argument, sana nasa apat na sulok na lang ng isang kuwarto at hindi ibinuyangyang sa Twitter.”

MORAL OF THE STORY. May dagdag namang pahayag din ang isa pang host ng Juicy na si Direk Joey Reyes.