Sa kauna-unahang pagkakataon ay sasabak sa sexy at mature role ang young actor na si Martin del Rosario sa Precious Hearts Romances: Pintada.

Sa isang panayam kay Denise Laurel, kapareha ni Martin sa Pintada, kakaiba raw sa aktres ang kanyang experience sa pagkakataong ito.

Dati raw kasi ay siya ang inaalalayan ng mga kapareha pagdating sa mga sexy scenes, ngayon siya ang aaalalay kay Martin dahil first time ng young actor sa mga seksing eksena.

(CLICK HERE to read related story.)

Nakapanayam ng PEP. ph (Philippine Entertainment Portal) si Martin sa launching ng 100 Most Beautiful Stars ng YES! magazine noong July 2, tungkol sa pagsabak niya sa mature role.

Sabi ng Star Magic talent, “Ako naman, tuwang-tuwa ako kasi ako ang lalaki dun, ‘tapos ang ka-partner ko sobrang hot, di ba?

“'Tapos siya pa yung maraming PHR [Precious Hearts Romances] na nagawa.

“Iba kasi, nag-taping na kami. Nagtutulungan talaga kami sa mga scenes namin. Nagbibigayan talaga kami.

“Awkward naman talaga na magpapa-sexy ka sa older sa iyo, pero ayun naman talaga, e.

“Kailangan na may awkwardness, e. Awkward naman talaga yung guy mas bata sa iyo, ‘tapos sabik na sabik.

“Natural din naman ang lumalabas sa akin na awkward, pero umaarte pa rin.”

EXCITED TO DO KISSING SCENES? Ayon kay Martin ay wala pa naman kissing or sexy scenes na kinukunan sa kanila ni Denise.

“Wala pa namang kissing scenes sa ngayon, pero excited more than kinakabahan.

“Siya pa nga ang nagsasabi, 'Mart, wala ito, kahit na ano ang mangyari, ha.’

“Kasi siyempre may mga scenes na hulug-hulog, patung-patong. Yung mga ganun, Okay naman.”

DENISE AND RAFAEL. Unang ipinareha si Denise kay Rafael Rosell na mainit na tinanggap ng publiko ang kanilang tambalan.

Kumusta naman ang pakikipagtambal ni Martin kay Denise?