Kabilang si R&B Princess Kyla sa ipinadala ng GMA Network noong July 22 para mag-perform sa ginaganap na International Exposition Yeosu Korea 2012.

Kasama ni Kyla na lumipad papuntang South Korea sina Gian Magdangal, Jay-R, Down To Mars, at ilang kabataan para ipakita ang kultura ng Pilipinas sa pamamagitan ng awit at sayaw sa ginanap na Philippine National Day doon.

Ngunit bago sila umalis ay nagkaroon muna sila ng preview ng kanilang performance sa Cultural Center of the Philippines noong Huwebes, July 19.

Lumipad sila papuntang sa South Korea noong July 20, at mananatili doon hanggang ngayong araw, July 24.

Nagsimula ang Expo 2012 Yeosu Korea noong May 12 at aabot ito hanggang August 12, 2012.

PHILIPPINE DELEGATION. Ito ang ikalawang pagkakataong maimbitahan at makapag-perform si Kyla sa South Korea, pero ngayon ay marami na siyang mga kasama.

Excited siya dahil alam niyang big event ang international exposition na ito.

Kuwento ni Kyla sa PEP.ph (Philippine Entertainment Portal): “Makakasama namin doon ay mga big names in the music industry of South Korea at ng iba pang countries in Asia, Europe, America, Africa, and the Middle East.

“Mapapanood din namin ang mga gagawin nila doon and we will have a chance to meet them after.

“Big event talaga itong EXPO 2012 Yeosu Korea and we are proud na naimbitahan ang Pilipinas to perform there.

“Yung pinakita namin sa CCP, preview lang yun ng mga gagawin namin doon.

“We are hoping na magustuhan nila doon ang performance namin nina Jay-R, Gian, Down To Mars, at ng iba pa.

“We are thanking GMA-7 for making us a part of this entourage.

“Marami namang puwedeng ipadala doon pero pinili pa rin nila kami, kaya maraming maraming salamat.” 

Nakausap ng PEP si Kyla sa CCP Main Theater noong July 19.

NOT PREGNANT YET. Napag-usapan din kung bakit hanggang ngayon ay hindi pa siya nabubuntis gayong noong November 28, 2011 pa sila ikinasal ng basketball player na si Rich Alvarez.

Ayon kay Kyla, ayaw nilang masyadong ipilit ni Rich, at pinapabayaan na lang nila kung kailan sila mabibiyayaan ng baby.