“What goes around comes around.”
Ito ang reaksiyon ni former Senator Bong Revilla Jr. tungkol sa kontrobersiyang hinaharap sa kasalukuyan ni Senator Leila de Lima.
Si De Lima ang dating secretary ng Department of Justice na nagsangkot kay Bong at sa kaibigan niyang si dating Senator Jinggoy Estrada sa PDAF scam, na naging dahilan ng pagkakakulong nila sa PNP Custodial Center ng Camp Crame.
Dalawang taon at dalawang buwan nang nakakulong sa Camp Crame sina Bong at Jinggoy.
Pahayag ni Bong, “Senator de Lima, walang takas sa karma.
“You dish it like the self-righteous person you are but act like a victim when you’re on the receiving end.
“Kaming mga kalaban niyo, ginawan niyo ng kuwento at dinurog niyo ang pangalan at pagkatao ng ganun na lang.
“Kaya ngayon, ang masasabi ko lang, sagutin mo nang diretso ang mga paratang sa ‘yo.
“Tapos na ang ilusyon mo. Harapin mo ang katotohanan.
“What goes around comes around.”
Sinabi rin ni Bong na kung saan siya dinurog at nadapa, doon siya babangon.