Dahil isang artista ang kanyang mister na si Patrick Garcia, tila hindi rin ligtas si Nikka Garcia sa bashers.
Ngayong Lunes, September 5, ay ipinost ni Nikka sa kanyang Instagram account ang private messages na ipinadala sa kanya ng isang netizen na naglalaman ng mga di kanais-nais na mensahe.
Kung anu-anong masasakit na salita ang ipinukol ng nasabing basher kay Nikka, kagaya ng pagtawag sa kanya ng “malandi, walang kwenta, pangit, walang konsensya, masarap sagasaan.”
Pati ang mga anak nila ni Patrick at maging ang aktor ay idinamay nito.
Minura pa ng nasabing basher si Nikka at hiniling na mamatay na.
Base sa mensahe ng nasabing basher, ikinumpara niya si Nikka sa dating girlfriend ni Patrick na si Jennylyn Mercado.
May anak din si Patrick kay Jennylyn; habang sina Patrick at Nikka ay may sarili na ring anak.
Nag-send pa ang nasabing netizen ng larawan ni Jennylyn kay Nikka upang idiin na “Higit na mas maganda sau c jennylyn...”
Sa caption ni Nikka, humingi siya ng lakas ng loob “when people try to cause pain and anger.”
At upang hindi siya pumatol.
Sabi pa ni Nikka tungkol sa netizen na nag-message sa kanya, “Actually super long her message.
“I dunno, I try to understand how someone can be so hateful.
“I wish them all the best nevertheless! God bless you more!”
Sa kasalukuyan ay burado na ang nasabing post ni Nikka.
Sa pagkakaalam ng marami ay maayos ang relasyon sa pagitan nina Nikka at Jennylyn, at maging ang kani-kanilang mga anak.