Tinapos na ni Bb. Pilipinas-International 2017 Mariel de Leon ang isyu sa kanila ni Mocha Uson.
Ito ay matapos sumagot ang bagong talagang assistant secretary for social media ng Presidential Communications Operations Office (PCOO) sa tweets ng bagong beauty queen.
Nagsimula ang isyu sa pagitan nina Mariel aty Mocha nang kuwestyunin ng beauty queen ang pagkakatalaga ni Pangulong Rodrigo Duterte kay Mocha sa PCOO.
Sabi ni Mariel sa kanyang naunang tweet: "Biased and disrespectful. She insults those who are against her. I'm not for her, I'm not for the other side (whatever that may be)."
Dagdag niya, "I love my country so it breaks my heart to know someone like her got a position in the govt."
Samu’t saring batikos ang natanggap ni Mariel mula sa netizens dahil dito.
Dumating na sa puntong naging personal na ang atake ng bashers sa anak nina Christopher de Leon at Sandy Andolong.
Ngunit hindi na ulit sumagot si Mariel sa mga ito.
When you walk with faith and truly know yourself, no words can harm you.
— Mariel de Leon (@mariaangelicadl) May 11, 2017
Good day, everyone! ??
Ang kanyang kapwa-beauty queen na si Bb. Pilipinas-Intercontinental 2017 Katarina Rodriguez ay nagtanggol kay Mariel mula sa kaliwa’t kanang batikos.
Ayon kay Katarina, lahat tayo ay may karapatang magpahayag ng opinyon, lalo na pagdating sa usapin ng relihiyon at pulitika.
Pero kung wala ka naman daw magandang sasabihin, mas mabuti na lamang na manahimik.
Good morning Philippines! Just wanted to remind you all that each of us are entitled to our own opinions! Especially w. religion & politics!
— Katarina (@KatarinaRodri) May 10, 2017
We should utilize our freedom of speech on the topic of politic & with anything else if you have nothing nice to say then say nothing!!
— Katarina (@KatarinaRodri) May 10, 2017
Lastly, respect one another always. Debating is fun until disrespect comes into play & bashing is NEVER okay!
— Katarina (@KatarinaRodri) May 10, 2017
CORDIAL. Nakarating na kay Mocha ang mga naging pahayag ni Mariel tungkol sa kanyang appointment.
Mensahe ng presidential appointee, “Sorry po Bb. Pilipinas. I’ll take note po of your tweets at pagbubutihin ko po para sa bayan at para sayo po.”
Ngayong Huwebes, May 11, nag-tweet naman si Mariel tungkol sa mga sinabi ni Mocha.
Aniya, maaari naman palang magpalitan ng opinyon na hindi kailangang nag-aaway-away.
Tinapos na rin niya ang isyu sa pagitan nilang dalawa.
Sabi ni Mariel sa kanyang tweet, “It proves that we can accept each other's opinions & differences and still let peace, democracy, and love for country prevail. It is done.”
Ngunit pagkatapos lamang ng isang oras, binura na ni Mariel ang nasabing tweet.