Break na nga ba si Paolo Ballesteros at ang rumored boyfriend niyang si Roland Ochoa Anog?
Ito ang usap-usapan ngayon pagkatapos mag-post sa Instagram ng Eat Bulaga! host noong Linggo, May 28, ng larawan ng magkatabi at magkahawak na kamay na may identical tattoos, na kapag pinagtabi ay maghuhugis-puso na may pakpak.
Pinaniniwalaang ang mga kamay na ito ay kina Paolo at Roland.
Maikling caption dito ng actor-TV host: "That's it pancit."
Sa Instagram post naman ni Roland (r.a.0606) kahapon, May 29, ay tila may pahiwatig din ito sa pagtatapos ng relasyon nila ni Paolo.
Kalakip ang larawan nilang kuha sa isang bakasyon, ito ang caption na inilagay ng dancer: "thanks for the memories!"
Makikita rin sa comment section ang mga mensahe ni Paolo:
Sa column ni Jojo Gabinete sa Abante kahapon, May 29, sinabi nitong "may mga nagkumpirma na hiwalay na sina Paolo at Ronald."
Pero posible rin daw na may pinagdaraanan lamang na pagsubok ang dalawa sa kanilang relasyon.
Sina Paolo at Roland din ang tinutukoy ng isang blind item ni Ricky Lo sa kanyang column sa The Philippine STAR ngayong Martes, May 30.
Sabi ni Ricky sa kanyang "Funfare" column: "Have the TV host/actor and his dancer boyfriend broken up? His soc med posts seem to confirm it."
Isang source naman ng PEP.ph (Philippine Entertainment Portal) ang nagkumpirmang nag-break na nga raw sina Paolo at Roland.
Ang dahilan?
Ayon sa aming source, nakabuntis daw ng babae si Roland, at si Paolo umano ang nagdesisyong tapusin na ang kanilang relasyon.
Ilang linggo pa lang ang nakalilipas nang magsimulang magbigay ng pahiwatig si Paolo sa estado ng kanyang love life, sa pamamagitan ng Instagram posts.
Hanggang sa ipakita na niya ang mukha ng pinaniniwalaang boyfriend niya.
Sa kabila ng Instagram posts na ito ni Paolo, wala pang direktang pahayag o pag-amin ang Die Beautiful actor kung sino nga ba si Roland sa buhay niya.
Bukas ang PEP sa maaaring maging pahayag nina Paolo at Roland tungkol sa isyung ito.