Ang mga nakatira sa Apartment ng PBB ay ang sumusunod (top row, from left) Ivan Dorschner, Rebecca Chiongbian, Patrick Sugui, Kazel Kinouchi, (bottom row, from left) Fretzie Bercede, Romeo Jalosjos III, Tricia Santos, at Yen Santos.  Photography: Courtesy of ABS-CBN

Ang mga housemates na na-assign sa Villa ay sina (top row, from left) Angelo Pasco, Devon Seron, Eslove Briones, Shey Bustamante (bottom row, from left) Joe Vargas, Kyra Custodio, Yong Gopez, and Maichel Fideles. Photography: Courtesy of ABS-CBN

Rebecca Chiongbian (Heiress Wonder ng Cebu)

Mula sa "old rich" family si Rebecca. May-ari ang kanyang tatay ng isang shipping line, samantalang maraming malalaking negosyo ang kanyang nanay. Kahit lumaki sa komportable at nakakarangyang buhay si Rebecca ay hindi daw siya laki sa layaw. 
  
Sa dalawang bahay tumutuloy si Rebecca: sa bahay ng kanyang nanay at sa dating bahay ng kanyang tatay. Simple lang ang mga bahay na tinutuluyan niya. Sa katunayan, wala raw itong aircon. 
  
Walang arte sa katawan si Rebecca, hindi siya mahilig makiuso kaya naman madali siyang mainis sa mga maarte at flirty girls. Photography: Courtesy of ABS-CBN

Patrick Sugui (Gentle Boy Next Door ng Mandaluyong)

Hiwalay ang mga magulang ni Patrick, tita niya ang nagpaaral sa kanilang magkakapatid. Close ang relationship nilang magkakapatid sa kanyang mommy, to the point na ipinakikilala sa kanila kung sino man ang dine-date nito. For the past 8 years, his mom has had a steady relationship with Juan Miguel Salvador, ang ‘80s rock icon now turned singer-jingle composer. Si Juan Miguel na ang tumatayong stepdad ni Patrick. 
  
Walang bisyo si Patrick--no yosi, no drugs. Pero lakas tama ito pag tinamaaan ng pag-ibig.  Walang balak mag-showbiz noon si Patrick, pero mismong mga talent scout ang lumalapit sa kanya. 

 
Naitanghal din si Patrick na Most Valuable Player sa soccer team nila noong siya'y nasa second year high school.

Photography: Courtesy of ABS-CBN

Kazel Kinouchi (Shopaholic Chick ng Paranaque)

Pinay na dating nagtatrabaho sa Japan ang nanay ni Kazel, Japanese ang kanyang father pero ipinanganak si Kazel na wala na ang ama sa buhay nilang mag-ina.  Two years nang walang trabaho ang nanay ni Kazel, pero nagagawa pa rin nilang mamuhay nang maaliwalas dahil sa laki ng savings na naitabi ng ina mula sa kanyang pagtatrabaho sa Japan. 
 
Magkaiba ng ama si Kazel at ang ate nito, pero hindi naman daw siya naghahanap ng ama. Bakit daw niya iisipin ang isang taong hindi naman interesado sa kanya? Kung naghanap man siya ay patanong lang. 
  
Like mother-like daughter daw sina Kazel at ang kanyang mommy. Parehong silang mahilig mag-shopping. May sariling credit card si Kazel at sky-is-the-limit ang credit line. Mula ulo hanggang paa, pati ang mga gamit na bitbit ay puro branded. Ito ang bonding moment nilang mag-ina, pero aware naman si Kazel sa sitwasyon at aminado siyang nahihirapan pa siyang mag-adjust sa bago nilang lifestyle. 
Photography: Courtesy of ABS-CBN

Fretzie Bercede (Charming Angel ng Cebu)

Mula sa may-kayang pamilya si Fretzie. Nagta-trabaho bilang dentista ang kanyang ama samantalang housewife naman ang kanyang ina. May malaking bahay at SUV, pero ang sabi ni Fretzie hindi niya kino-consider ang sarili nila bilang mayaman. 
 
Maganda si Fretzie, ganun din ang kanyang mga kapatid na lalaki. Pero sa kabila ng kagandahang ito ay certified NBSB ang dalaga, and she doesn't seem to be in a hurry to find love. Isa marahil ito sa mga factors kung bakit habulin ng boys ang dalaga. 

Additional "it" factor pa na marunong siyang tumugtog ng piano, may talent sa pagkanta dahil sa kanyang pagvo-voice lessons at may pagka-fit and athletic dahil sa kanyang sport na volleyball. 

Pinalaking konserbatibo at very close ito sa kanyang mga kapamilya, kaya naman punong-puno siya ng positivity and sunny disposition.

Photography: Courtesy of ABS-CBN

Romeo "Potzy" Jalosjos III (Political Son of Dipolog)

Mula sa prominenteng political family si Romeo "Potzy" Jalosjos III ng Dipolog. Pero noong bata ay wala pa siyang kamalay malay sa kasikatan ng kanilang pamilya dahil naghiwalay ang kaniyang mga magulang. Dahil dito tumira muna siya kapiling ang nanay sa Maynila kung saan siya nag-aral. 

Pero aminado si Romeo na mas malapit siya sa kaniyang ama na minsan lang niya nakikita tuwing umuuwi ng Zamboanga. Dahil marami silang misunderstanding ng nanay, lumipat si Romeo sa Dipolog para mas mapalapit sa ama.  Dito siya unang nakatikim ng pagiging "celebrity" dahil binigyan siya ng bodyguard na sumusunod sa kaniya saan man pumunta. 

Kahit kakaiba ang lifestyle sa Mindanao, typical teen pa rin si Romeo at paborito niya ang panonood ng anime lalo na ang Naruto. Mahilig din siyang magbasketball, badminton at diving. Kilala siya sa eskwelahan dahil bukod sa sikat na apelyido, siya din ang peer counseling head at madalas nagbibigay ng mga payo sa mga kapwa teenager niyang may problema.  
Photography: Courtesy of ABS-CBN

Tricia Santos (Athletic Muse ng Davao)

Ipinanganak sa Manila si Tricia, pero lumipat ang kanyang pamilya sa Davao upang tumulong sa business ng kanyang lolo. 
  
Matipid sa pera si Tricia, iniipon niya ang kanyang allowance para mabili ang mga bagay na gusto niya. Hilig din nito ang pag-aartista, ginusto niyang makapasok sa ABS-CBN acting workshop last year, pero hindi siya pinayagan ng kanyang ina. Kaya naman, at 13 ay nagrebelde na ito by going home late and hanging out with an older crowd. 

Very active ang lifestyle ng dalaga, she's a varsity player for volleyball at sa height niyang 5'7 at 14 years old, nakuha na niya ang 1^st runner up title sa G. at Bb. Palarong Pambansa.   Photography: Courtesy of ABS-CBN

Yen Santos (Little Miss Sunshine ng Nueva Ecija)

Head turner si Yen sa kanyang school, marami ang nagkakagusto. Pero there was a time na ang naging kabarkada ni Yen ay ang mga B.I. (bad influnce) sa eskuwelahan, tinuruan siyang uminom, magyosi, mag-cutting classes at kung anu-ano pa. Nang mahuli sya ng kanyang nanay na nakikipag-inuman sa mga barkada ay naging bantay sarado ang mga ito sa kanya. 
  
Naging biktima si Yen ng school vandalism, may mga labels na "bitch" at "malandi" na mismong mga B.I. friends niya ang nagsulat. Hanggang sa maka-graduate ito ng high school ay hindi pa rin siya tinatantanan ng mga insecure niyang kaibigan, but she would later learn kung paano deadmahin ang mga paninirang ito sa kanya. 
Photography: Courtesy of ABS-CBN

Ivan Dorschner (Striking Stud ng Rizal)

Sa Estados Unidos na lumaki si Ivan. Isang retired handyman ang kanyang ama, at headnurse naman ang kanyang ina. Madalas umuwi ng Pilipinas si Ivan at ang kanyang pamilya, kadalasan dalawang linggo ang tinatagal ng bawat bakasyon nito.

Sa tuwing bumibisita ng bansa ang half-Pinoy na ito ay hindi maiwasang pagpiyestahan siya ng mga humahangang kababaihan. Mapa-mall, sa bakasyon, sa tindahan, sa Wowowee.

Marami nang naging gf si Ivan, pero wala pa siyang sinasabihan ng "I love you," wala pa daw kasing nakakapantay o nakakahigit pa sa pagmamahal niya sa kanyang pamilya. Nagkagusto siya sa isang kaibigan, pero dahil hindi siya nagustuhan nito ay napunta si Ivan sa bestfriend ng babeng gusto. Di nagtagal ay hindi naitago ni Ivan ang nararamdaman sa bestfriend ng girlfriend niya, at ito ang naging dahilan para magkasira ang dalawa.

Matagpuan na kaya ni Ivan sa loob ng Bahay ni Kuya ang babaeng makakapag-paibig sa kanya at sasabihan nya ng mga katagang "I love you"? Photography: Courtesy of ABS-CBN

Angelo Pasco (Struggling Isko ng Antique)

Sadsad sa kahirapan ang naging buhay nitong si Angelo. Sa Maynila sila noon naninirahan ng kanyang pamilya, pag walang pambaon ay nilalakad niya mula bahay hanggang eskuwelahan na may layong 7km. Nang mamatay ang kanyang ama ay umuwi ang kanyang pamilya sa Antique para doon na tumira. 
  
Katulong ang kanyang nanay at halos walang perang naipapadala sa kanya para sa kanyang pag-aaral. Kaya naman nabaon sa utang ang binata, mula sa tuition fee, pagkain sa canteen, at nang minsang ma-ospital siya. 
  
Nakitira din siya sa isang kaibigan na nagmamay-ari ng isang computer shop, dito siya puma-part time ng trabaho kaya naman minsan ay nakakalibre siya ng gamit ng computer para sa mga projects, libreng pagkain, tulugan at paminsan-minsan ay naabutan pa ng kaunting panggastos.  Photography: Courtesy of ABS-CBN

Devon Seron (Bubbly Promdi ng Cebu)

Sa isang squatters area sa Cebu lumaki at nagkamalay itong si Devon. Anim silang nakatira sa isang bahay, at tatlong hakbang lang ay malilibot na ang buong kabahayan. 
  
Driver ang tatay ni Devon, rumaraket naman ang kanyang ina sa pamamagitan ng pamimigay ng leaflets, apat silang magkakapatid. Sa hirap ng buhay ng kanilang pamilya ay naransan na nilang hindi kumain sa loob ng isang buong araw, minsan naman nakakakain pero tuyo lang ang ulam. 
 

Sa kabila ng kahirapan nararanasan ay masiyahing dalaga si Devon. Naranasan na rin ni Devon ang hindi makapag-take ng exam dahil hindi siya nakapagbayad ng matrikula. At nitong graduation niya ay kamuntik na siyang hindi makapag-martsa, honor student pa naman siya, sa parehong dahilan--hindi nakapagbayad ng matrikula. 
  
Sa tulong ni Big Brother ay nakatungtong ng entablado si Devonat nakamit ang pinaghirapan niyang diploma.

Photography: Courtesy of ABS-CBN

Eslove Briones (Sigang Istokwa ng Tawi-Tawi)

Maagang nagkahiwalay ang mga magulang ni Eslove, kaya naman nagpalipat-lipat siya ng eskuwelahan at tirahan depende sa assignment ng kanyang nanay. Nagta-trabaho para sa mga politiko ang kanyang ina, taga-asikaso ng mga bagay-bagay.  
  
May masamang bisyo ang tatay ng binata, at dito halos napupunta ang perang kinikita ng nanay niya, kabilang na ang pang-tuition nila. Para makatakas sa mapait na realidad ay umaalis siya ng kanilang bahay. Nakituloy sa mga kapitbahay at kung minsan ay sa mga kaibigan sa malalayong isla. 
  
Aminado si Eslove na isa siyang problem child dahil maaga itong sumubok ng mga bisyong sigarilyo, pag-inom at pagsugal.  

 
Kahit pasaway si Eslove, mahusay naman daw itong humawak ng pera. Bata pa lang siya nang magtinda siya ng yema at mani para sa dagdag kita. Nagtrabaho din si Eslove sa pier bilang isang kargador. Sabi ng binata, hindi nya ikinakahiya ang kanyang mga naging trabaho, sa katunayan ay proud siya sa mga ito. 

Photography: Courtesy of ABS-CBN

Rachelle "Shey" Bustamante (Diskarte Bombshell ng Mindoro)

Ipinanganak si Rachel sa Hongkong. Pinay ang kanyang ina samantalang isang Australian na naka-base sa Hongkong ang ama nito. Unti-unting lumayo ang ama ni Shey. Dalawang taon si Shey nang umuwi sila ng ina sa Mindoro, at dahil sa kanyang tisay features ay naging manika siya ng buong bayan. 

Suki at beterana sa mga beauty contest itong si Shey. She has 6 titles under her name, at dalawa sa mga sinalihan niyang contest noon ay na-disqualify siya dahil "over-qualifed" na raw siya. 
  
Dahil wala nang gustong lumaban sa kanya sa mga beauty contest sa kanilang probinsya ay nagdesisyon siyang pumunta ng Manila. Dito ay sumali sya sa Mossimo Bikini contest at nanalo ng first runner up. Sumali rin siya sa Binibining Pilipinas 2010, pero sa kasamaang palad ay hindi siya umabot sa top ten. 
  
Gamit ang kanyang ganda at kaseksihan, pinasok nito ang pagmomodelo at ito ang kanyang pinagkukunan ng pera para mapag-aral at buhayin ang sarili malayo at independently from her family. Ang pagraraket na ito rin ang naging dahilan kung bakit hindi na nito naipagpatuloy ang kanyang pagko-kolehiyo.

Photography: Courtesy of ABS-CBN

Joe Vargas (Swabeng Komikero ng QC)

Maagang naghiwalay ang mga magulang ni Joe; ang ama nyang dating religious missionary ay sinasaktan ang kanyang ina. Kalauna'y tumira silang magkapatid sa kanyang mga magulang. Greatest fear ng pamilya ni Joe ang posibilad na bumalik ang kanyang ama sa kanilang mga buhay. 
  
Ang kapatid ni Joe ay maputi, si Joe naman ay mukhang Black American. Ipinaglihi daw kasi siya sa itim na maynika at maitim na bata. Genesis ang tunay na pangalan ni Joe, pero dahil sa kanyang physical appearance ay tinawag syang Joe.
  
Very funny, cheerful at confident ng character ni Joe, at totoo namang marami ang nagkakagusto sa kanya. Photography: Courtesy of ABS-CBN

Kyra Custodio (Giling Girl ng Batangas)

Mala-Cinderella ang lifestory ni Kyra. Dahil sa untimely lovestory ng magulang ng dalaga, di nagkakasundo ng kanyang ina at maternal grandmother. Pero sa piling ng maternal grandmother lumaki si Kyra at dito, di niya nakasundo ang lola at maging ang dalawang pinsang kasama niya rin sa bahay. Dahil laging napapagalitan si Kyra, nagdesisyon ang kanyang ina na bumukod silang mag-anak. 
  
Sa bagong bahay sa Batangas, na-discover ni Kyra ang talent niya sa pagsasayaw. Maliban sa mga school presentations ay member din siya ng isang dance troupe kung saan nakakatanggap siya ng monthly honorarium na ginagamit niya namang pandagdag sa mga panggastos niya sa eskuwelahan.  Photography: Courtesy of ABS-CBN

Yong Gopez (Boy Breadwinner ng Pampanga)

Si Yong ang bunso sa tatlong magkakapatid. Masayahin, malambing at palatawa siyang bata. Ipinaglihi daw siya sa Sto. Nino sabi ng kanyang ina dahil sa kanyang makinis at maputing kutis. Bagama't hirap sa buhay financially, ay mas nakaluluwag pa sila noon.

Nagsimulang magbago ang guhit ng kapalaran ni Yong nang magsimulang maging manginginom ang tatay nito, kakatapos pa lang niya ng elementarya noon. Maliban sa matinding pangangayayat ng ama ay ay naging tamad daw ito sa pagta-trabaho at nawalan ng kumpiyansa sa sarili. Kapag pinagsasabihan naman ni Yong ang tatay na tumigil na sa pag-inom ay nakakagalitan lang siya nito. 

Para makatulong sa pamilya ay nagtrabaho si Yong sa isang quarrying site sa Pampanga. Biyernes hanggang Lunes, mula ala-sais ng gabi hanggang alas-sais ng umaga ay nag-aabang siya ng mga truck ng buhangin. Sa bawat truck ng buhangin na papalain niya ay kikita siya ng P50. Ang perang kinikita dito, kasama ng scholarship na nakuha mula sa isang politiko ay nakapag-tapos si Yong ng high school.

Sa ngayon ay tumigil muna si Yong sa pag-aaral para tumulong sa nakatatanda nitong kapatid na nasa huling taon na sa kolehiyo.  Photography: Courtesy of ABS-CBN

Maichel Fideles (Ang Courageous Lakan ng Samar)

Lumaki si Maichel sa Maynila pero pagtungtong niya ng grade 5 ay lumipat na sa Calbayog, Samar ang buong pamilya ng binata maliban sa kanyang ama na naiwan sa kanyang trabaho sa lungsod. Simula noon ay hindi na siya nakatapak ng Maynila, at hindi na rin niya nakausap ang kanyang ama. 

Nang mamatay ang nanay ni Mike noong 2009, tanging kuya na lang niya ang kanyang nakakasama pero di naglaon ay nagkasamaan ng loob ang magkapatid. Para makapag-survive ay sumali si Maichel sa mga male pageants. 

May mga kaibigan s'yang tumutulong sa kanya makahanap ng mga sasalihang pageants at maka-provide ng requirements. Ang usapan lang ay hati sila sa pa-premyo.  Photography: Courtesy of ABS-CBN

Ang hosts ng Pinoy Big Brother Teen Clash of 2010 ay sina (mula kaliwa) Mariel Rodriguez, Toni Gonzaga at Bianca Gonzales. Photography: Courtesy of ABS-CBN

Mapapanood ang Pinoy Big Brother Teen Clash of 2010 weeknights pagkatapos ng Habang May Buhay sa ABS-CBN. Tuwing Sabado, mapapanood ito pagkatapos ng Maalaala Mo Kaya at tuwing Linggo, ipapalabas ito pagkatapos ng Sharon. Photography: Courtesy of ABS-CBN