Si Sarah Lahbati (nasa larawan) ang gumaganap na Kara, ang dalagang nagiging palaka sa tuwing nababasa ang kanyang talampakan.

Isang eksena kung saan nahulog si Kara ang kinunan nung araw na iyon.

Napag-alaman naming nakatakdang gumawa ng primetime show si Sarah pagkabalik niya mula sa kanyang Valentine concert sa Switzerland, kunsaan kasama sina Derrick Monasterio at Enzo Pineda.

Ang first sole survivor ng Survivor Philippines na si JC Tiuseco (nasa larawan) ay naabutan din namin sa location.

Siya ang gumaganap na Roco, ang karibal ni Carl (TJ Trinidad) sa puso ni Kara.

"Lokaret ‘tong si Elizabeth, e!"

Ganito inilarawan ni Vaness del Moral (nasa larawan) ang kanyang karakter sa Kokak, na si Elizabeth, karibal ni Kara kay Karl.

Kuwento niya, nang madiskubre ng kanyang karakter ang lihim ni Kara, inalam nito ang sanhi kung bakit ito nagiging palaka upang patunayan kay Carl na hindi normal na babae si Kara.

Kapansin-pansin ang kunwaring mga pasa sa katawan ni Jessa Zaragoza nang makapanayam namin siya.

Kinunan raw kasi nila ang eksena nang araw na iyon, kung saan binugbog ni Norman (Gian Magdangal) ang karakter niyang si Angela.

Nabanggit din ni Jessa sa amin na nakatakda siyang mag-launch ng album sa susunod na buwan, ang Pag Wala Na Ang Ulan, na may carrier single na "Nasaan" at distributed by GMA Records.

Masigla at nakangiti si Frencheska Farr (nasa larawan) nang makapanayam namin siya. Sinabi niyang wala siyang ka-love team sa palabas na ito, at hanggang sa huli'y magiging matapat na kaibigan ni Kara ang kanyang karakter na si Rafa.

Sa Agosto ay magbibida si Frencheska sa isang theater performance, ang Hope For The Flowers, kung saan makakasama niya sina Steven Silva at Gladys Guevarra.

Bago umalis ang entertainment press ay lumabas ang direktor ng Kokak na si Ricky Davao (nasa larawan), upang magpaalam at magpasalamat sa pagdalaw namin sa kanilang location.

Si Ricky ay kabilang sa cast ng #MyCactusHeart, na pinagbibidahan nina Matteo Guidicelli at Maja Salvador.

Kasama rin siya sa pelikulang Hitman, na pinagbibidahan naman nila Cesar Montano at Sam Pinto.