Ang bagong programang ito ang unang TV program kung saan magiging lead stars ang love team nina Julie Anne San Jose (kaliwa) at Elmo Magalona (kanan).

Sila'y gaganap na mag-best friend, na kalaunan ay mauuwi sa mas malalim na pagtitinginan sa isa't isa.

Si Elmo Magalona ang gaganap bilang si Ely, ang pangalawa sa magkakapatid na Trinidad. Dahil sa maagang pagpanaw ng kanilang mga magulang, siya ang tatayong ama para sa kanyang mga kapatid.

Matalik na kaibigan niya si Toyang, na katulad niya'y sa musika itinutuon ang mga hirap na pinagdadaanan sa buhay. Makikilala at magkakagusto siya kay Shirley (Lexi Fernandez), ang lead vocalist ng sasalihan niyang banda.

Ang matalik na kaibigan ni Ely (Elmo) ay si Toyang, na gagampanan ni Julie Anne San Jose. Ulila din si Toyang kaya naman lalaki itong mahilig sa musika, at mangangarap na maging lead vocalist ng isang banda. Kalaunan ay mahuhulog ang loob ni Toyang kay Ely.

Si Lexi Fernandez naman ay si Shirley, ang lead vocalist ng isang banda sa eskwelahan nina Ely (Elmo) at Toyang (Julie Anne).

Magiging malapit sina Ely kay Shirley dahil gusto nitong makapasok sa kanilang banda, habang si Shirley naman ay mapapansin niya ang talento sa pag-awit ni Toyang.

Gayunman, sa gitna ng pagtutulungan nina Toyang (Julie Anne, kaliwa) at Shirley (Lexi, kanan) ay mahuhulog ang loob nila sa iisang lalaki—kay Ely. Masira kaya nito ang mabubuong samahan sa dalawang dalaga?

Ang panganay sa magkakapatid na Trinidad ay si Jasmine, na gagampanan ni Janine Gutierrez.

Siya'y isang magandang dalaga, na matapos pumanaw ng kanilang mga magulang ay mahihirapang mag-adjust sa malaking responsibilidad na maaatang sa kanya.

Si Renz Valerio naman ay si Raz, ang bunso sa magkakapatid na Trinidad at magsisilbing "Little Mr. Sunshine" ng pamilya.

Bagamat sakitin siya, mahihilig sa sports si Raz, at siya rin ang magsisilbing tagapamagitan sa tuwing nagtatalo ang kanyang Ate Jasmine (Janine) at Kuya Ely (Elmo).

Si Angelo ang half-brother nina Jasmine (Janine), Ely (Elmo) at Raz (Renz), na magiging karakter ni Enzo Pineda.

Bagamat bad boy ang kanyang dating sa lahat, nangungulila si Angelo sa kanyang ama na pumanaw na, at kanyang kikilalanin ito sa tulong ng kanyang mga kapatid.

Madalas ay mangangaliwa si Ben (Benedict, kanan) kaya naman laging may problema si Jasmine sa kanilang relasyon.

Ito ang dahilan kung bakit ang dalaga ay mapapalapit sa ibang binata, na matagal na rin na may pagtingin sa kanya. Ito na kaya ang maging dahilan para iwanan niya si Ben, at mapagtanto ng binata na mahal pala niya si Jasmine?

Ang binata na may lihim na pagtingin kay Jasmine (Janine) ay si Cholo, na magiging karakter ni Steven Silva. Siya'y isang businessman na mayroong food stall sa supermarket na pag-aari ng pamilya ni Jasmine.

Ang karakter ni Jackie Lou Blanco na si Tita Evelyn ang magpapahirap sa buhay ng magkakapatid na Trinidad. Siya'y kapatid ng ama ng tatlong bata, at maiinggit sa mga ito dahil sa kanila iniwan ang negosyong supermarket ng kanilang ama.