Suot ni Senador Loren Legarda ang recycled pinya terno na gawa ni Pitoy Moreno. Ang kanya namang accessories at clutch bag ay mula sa Celestina, ang brand ng bag at jewelry ng designer na si Tina Maristela-Ocampo.

Talagang mahilig si Senador Legarda sa mga Filipino-made at recycled na damit dahil noong nakaraang taon ay suot naman niya ang isang recycled gown mula kay Paul Cabral (inset).

Ang aktres na si Assunta de Rossi, asawa ni Congressman Jules Ledesma ng Negros Occidental, ay nakasuot ng lace gown na gawa ng kaibigang designer na si Sheryl Vicente.

Kasama ni Assunta ang kaniyang mga kapatid na sina Margherita (kaliwa) at Isabel (kanan), na nagbabakasyon ngayon sa bansa mula sa kanilang native Italy. Suot nila ang mga likha ni JC Buendia.

Suot naman ni Senador Pia Cayetano ang likha ni Mia Urquico. Ang modern Filipiniana dress ay inspired ng pelikulang The Great Gatsby, na may 1920s theme at nakatakda pa lamang ipalabas ngayong taon.

Si Mia Urquico rin ang lumikha ng modern terno na suot ni Senador Cayetano noong nakaraang taon (inset).

Si Nabila Pangandaman ay anak ni Representative Nasser Pangandaman ng AA Kasosyo Partylist. Ang kanyang kasuotan ay gawa ng Muslim designer na si Amir Sali. May accent na belt na gawa sa malong ang modernized Muslim dress nito.

Suot ng asawa ni Representative Nasser Pangandaman na si Yasmin Pangandaman ang isa pang likha ni Amir Sali.

Suot ni Nikka Co, anak ni Representative Christopher Co ng Legaspi City, ang likha ni Paul Cabral.

Suot ni Ling Ling Co, asawa ni Representative Christopher Co at ina ni Nikka, ang isang ternong likha pa rin ni Paul Cabral.

Si Secretary Elisea "Bebet" Gozun, Presidential Assistant for Climate Change, ay nakasuot ng isang floral terno na likha ni Patis Tesoro.

Si Taguig Mayor Lani Cayetano, asawa ni Senador Alan Peter Cayetano, ay suot ang sinasabi niyang "reusable gown" na likha ni Paul Cabral. "Reusable" dahil sa neutral color nito. Madali raw magamit muli sa pagni-ninang sa kasal.

Si Nasreen Garbin, asawa ni Ako Bicol Representative Alfredo Garbin Jr., suot ang likha ng isang Bicolanong nagngangalang Lalay. Nabanggit niya na dalawang linggo lang niya napaghandaan ang damit para sa SONA.

Si Cecile Guidote-Alvarez, asawa ni Climate Change Commission Secretary Heherson Alvarez, ay nagsuot ng all-blue long dress. Ang kaniyang panloob ay gawa ni Ben Farrales, habang ang kanyang cover-up ay gawa sa indigenous material mula sa Palawan.

Si Alvarez ay isa sa mga tinutulan ng maraming National Artists sa pagkakahirang nito bilang National Artist for Theater ng dating Presidente Gloria Macapagal-Arroyo.

Suot ni Lorelai Ping-ay, anak ni COOP-NATCCO Representative Jose Ping-ay, ang isang Vigan-made red terno.

Si Gabriela Representative Luzviminda Ilagan ay nagsuot ng balintawak na gawa ng Limited Fashion House sa Davao. Ang panawagan nito kay PNoy ay nasa kanyang damit: "Libre Angkop Batayan Kagyat na Serbisyong Kalusugan," na ibig sabihin ay Free Health Services.

Suot ng mag-asawang Miro Quimbo (kaliwa) at Stella Quimbo ang likha ni Jun Escario. Ang pang-ibabang damit ni Stella ay square pants na masasabing talagang modernized terno. Si Miro Quimbo ay congressman ng 2nd district of Marikina.

Di rin nagpatalo si Anak-Pawis Representative Rafael Mariano sa kanyang statement barong, kung saan nakasulat ang kaniyang panawagan kay Pangulong Noynoy Cojuangco Aquino na ipamahagi na ang Cojuangco-owned Hacienda Luisita.

Si Pagsanjan Mayor Maita Ejercito, asawa ni Governor ER Ejercito, ay nakasuot ng white terno na may floral embellishment mula neckline hanggang hemline. Likha ito ni Paul Cabral.

Idinaan ni Bayan Muna partylist Representative Teddy Casiño ang panawagan kay PNoy sa burda ng kanyang barong: "PRESYO IBABA." 

Ang pamilyang Robles—Rida Robes, Miko, at Representative Anthony Robes ng San Jose Del Monte City—ay halos pare-pareho ng suot na may green-and-black accent. Likha ito ni Jonti Martinez. 

Si Kaye Tinga, asawa ni Taguig Representative Freddie Tinga, ay nakasuot ng isang dark blue modernized terno na gawa ni Pepito Albert.

Si Nikki Gabara, anak ng isang political prisoner, ay kasamang dumating ni Representative Neri Colmenares. Nanawagan silang palayain ang mga political prisoners. Suot ni Nikki ang isang orange terno na may drawing na kamao, isang panawagan para sa hustisya.

Ang maybahay ni Senador Edgardo Angara na si Gloria Angara (kanan) at anak na si Alex Angara ay parehong nakasuot ng likha ni Rajo Laurel.