May mga ilang pinagpiliang aktres para sa role na napunta kay Angel Aquino (kaliwa) na gumaganap bilang isang TV reporter at asawa ni Cesar Montano (kanan).

Kapwa Boholano ang direktor ng pelikulang ito ni Cesar, si RD Alba (kaliwa). Kaya tuloy mas madali silang nagkaintidihan at halos pareho raw ang work ethics.

Bago ang Biktima, nagkasama na sina Cesar at RD sa pelikulang Panaghoy sa Suba (2004), kung saan ang una ang writer-director at ang huli ay associate director naman.

Ginagampanan naman ni Mercedes Cabral (kanan) ang papel bilang kaibigan ng karakter ni Angel Aquino. Ang role ni Mercedes ay mapapalapit sa karakter ni Cesar na siyang lalong magpapaigting sa istorya.

May mahalagang papel ang misis ni Cesar Montano na si Sunshine Cruz (kaliwa) sa pelikulang Biktima. Escort niya sa red carpet si Phillip Anthony na isa sa producers ng movie.

Maging ang producer na si Phillip ay may eksena sa pelikula. Nagkasagupa sila ni Cesar sa pelikula.

Kasamang dumalo ni Jay Contreras (kaliwa) ng bandang Kamikazee ang asawa at dating child star na si Sarah Abad (kanan).

Isa sa naging pelikula ni Sarah ay Kung Mawawala Ka (1993) na pinagbidahan nina Dawn Zulueta, Christopher de Leon, at Amy Austria.

Si Sarah ay younger sister ni Kaye Abad. Ikinasal sina Jay at Sarah noong February 12, 2009 sa Paco Park.

Ang ina ni Direk RD na si Dr. Disi Yap ay gumaganap bilang ina ni Cesar sa Biktima.

Isa ring doktor ang ama ni Direk RD na si Rey Cadagat Alba. Ang pangalan ni Direk RD ay mula sa initials ng kanyang ama at ina.