Nawala na raw ang tampo ng tween star na si Kristoffer Martin sa GMA Network.

Natanggal man siya sa cast ng epicserye na Amaya, nabiyayaan naman ang young actor ng magandang role sa bagong primetime drama series na Munting Heredera.

"Sobrang saya ko na ngayon dahil edge ko na ito. Nadadalian ako kapag drama," sabi ng 16-year-old actor nang makausap siya ng PEP.ph (Philippine Entertainment Portal) sa grand presscon ng Munting Heredera kagabi, May 3, sa Studio 7 ng GMA Network Center.

Natatanggal man sa mga projects, sinabi ni Kristoffer na masaya siya bilang Kapuso.

"Sobra!" bulalas niya. "Kasi hindi nila ako pinababayaan.

"Nawawalan man ng trabaho, at least may kapalit. Nililipat lang nila ako.

"Kaya hindi ko masyadong iniisip na tinatanggal ako. Nililipat lang ako.

"Ang masaklap, sinasabi sa akin ang trabaho, tapos tinanggal ako nang walang kapalit.

"Ang iniisip ko lang, nilalagay ako sa show na magsa-shine ako.

"Yun ang lagi kong tinatatak sa ulo ko."

Bukod sa Munting Heredera, na magsisimula na sa May 9, kasama rin si Kristoffer sa cast ng Tween Hearts The Movie, ang movie version ng kanilang toprating youth-oriented show sa Kapuso network.

ISSUE WITH JOSHUA. Speaking of Tween Hearts, may balita noon na may isyu raw sa kanila ng co-star niya na si Joshua Dionisio.

Ito raw ang naging dahilan kaya natanggal si Kristoffer sa afternoon soap na Nita Negrita. (CLICK HERE to read related story.)

Tanong ng PEP, kumusta na ang samahan nila?

"Okey naman po. Wala naman po kaming ganun ni Joshua," paglilinaw ni Kristoffer.