Tuloy na tuloy na ang naudlot noong kauna-unahang Summer Metro Manila Film Festival (MMFF).
Dapat ay noon pang 2020 isasagawa ang summer edition ng MMFF ngunit nabinbin ito dahil sa pandemya.
Pero ngayong 2023 ay wala nang makapipigil pa sa pagdaraos ng 1st Summer MMFF.
Ayon sa Metropolitan Manila Development Authority (MMDA), may kabuuang tatlumpo't tatlong (33) finished films ang isinumite ng filmmakers at producers para sa 1st Summer MMFF.
Dalawampu't tatlo (23) sa mga ito ay bagong pelikula, at sampu (10) naman ang resubmissions mula sa December 2022 MMFF.
Read: Summer MMFF 2023, kasado na sa Abril; 33 ang aspiring entries
Maituturing itong makasaysayan dahil ito ang may pinakaraming naisumiteng film entries mula nang magsimula ang taunang MMFF.
Ikinatuwa ito ng MMDA lalo na't umaasa silang magiging matagumpay ang gaganaping summer filmfest na anila'y isang oportunidad para magbalik sigla ang film industry sa bansa.
Read: MMDA Chairman Atty. Romando “Don” Artes, masayang "certified box-office hit" ang MMFF 2022
"With the record-breaking number of films that have been submitted to us, we can say that our local movie industry is back in their game and is starting to create more quality films again for us to enjoy in the first-ever Summer MMFF," pahayag ni MMDA Acting Chairman and MMFF Over-all Chair Atty. Don Artes.
"The MMDA and the film industry are both excited and looking forward to the success of the summer film fest which is another avenue to showcase local talent in making world-class Filipino films.
"The MMFF's victory is the victory of the whole Philippine film industry."
Read: MMFF 2022, naabot ang P500M target; 1st Summer MMFF, tuloy na ngayong 2023
Mula sa tatlumpo't tatlong (33) entries, masusi nang napili ang walong (8) official entries na mapapanood sa mga sinehan nationwide mula April 8 hanggang April 18, 2023.
Sa pangunguna nina MMFF 2022 Selection Commitee Chairman Boots Anson Roa-Rodrigo at MMDA Acting Chairman and MMFF Over-all Chair Atty. Artes, opisyal nang inanunsiyo ng MMDA ang walong pelikulang kalahok sa 1st Summer MMFF ngayong Biyernes, February 24, 2023.
In alphabetical order, narito ang walong Filipino-made movies na nakapasok sa 1st Summer MMFF:
About Us But Not About Us
Starring: Romnick Sarmienta, Elijah Canlas
Producer: Octoberian Films, The Ideafirst Company, Quantum Films
Director: Jun Robles Lana
Apag
Starring: Coco Martin, Lito Lapid, Jaclyn Jose, Gladys Reyes, Gina Pareño
Producer: Center Stage Production
Director: Brillante Mendoza
Here Comes The Groom
Starring: Keempee de Leon, Enchong Dee, Maris Racal, Awra Briguella, Xilhouete, KaladKaren
Producer: Quantum Films, Cineko Productions, Brightlight Productions
Director: Chris Martinez
Kahit Maputi Na Ang Buhok Ko
Starring: RK Bagatsing, Meg Imperial
Producer: Saranggola Media Production, Inc.
Director: Joven M. Tan
Love You Long Time
Starring: Carlo Aquino, Eisel Serrano
Producer: Studio Three Sixty Inc.
Director: JP Habac
Single Bells
Starring: Alex Gonzaga, Angeline Quinto, Aljur Abrenica
Producer: TinCan
Director: Fifth Solomon
Unravel: A Swiss Love Story
Starring: Gerald Anderson, Kylie Padilla
Producer: Mavx Productions, Inc.
Director: RC Delos Reyes
Yung Libro Sa Napanuod Ko
Starring: Bela Padilla, Yoo Min-Gon
Producer: Viva Communications, Inc.
Director: Bela Padilla
Mula sa sampung resubmission, dalawa ang nakapasok sa official list.
Ito ay ang Kahit Maputi Na Ang Buhok Ko at LoveYou Long Time na naisumite noong MMFF 2022, ngunit hindi nakapasok sa walong official entries na ipinalabas sa mga sinehan noong December 25.
Read: Presenting the 8 Metro Manila Film Festival 2022 official entries
MMFF 2022
Ang mga nakapasok sa MMFF 2022 ay ang Deleter nina Nadine Lustre, McCoy de Leon, at Louise delos Reyes; Family Matters nina Noel Trinidad, Liza Lorena, Nonie Buencamino, Agot Isidro, Mylene Dizon James Blanco, at JC Santos; Labyu with an Accent nina Coco Martin at Jodi Sta. Maria; Mamasapano: Now It Can Be Told nina Edu Manzano, Paolo Gumabao, at Aljur Abrenica.
Read: FIRST LOOK: MMFF 2022 Parade of Stars (The Floats)
Nariyan din ang My Father, Myself nina Jake Cuenca, Dimples Romana, Sean de Guzman, at Tiffany Grey; My Teacher nina Toni Gonzaga, Joey de Leon, Loisa Andalio, at Ronnie Alonte; Nanahimik ang Gabi nina Ian Veneracion, Heaven Peralejo, at Mon Confiado; at Partners in Crime nina Vice Ganda at Ivana Alawi.
Read: Celebrities spotted at MMFF 2022 Parade of Stars
Ang Parade of Stars ng 1st MMFF ay gaganapin sa April 2, 2023, sa Quezon City. Ang awards night naman ay sa April 11.
READ MORE:
- MMFF 2022 Gabi ng Parangal: Nadine Lustre, Ian Veneracion win top acting honors; Deleter bags seven awards
- Deleter, big winner sa MMFF 2022 Gabi ng Parangal; Ian Veneracion, di nakapagpigil kay Mon Confiado
- Noel Trinidad grateful for patience of Family Matters co-stars each time he asks, "Ano raw?"
- Puzzling: MMFF 2022 jurors snub Family Matters in many categories