Pagkatapos nang mahigit isang dekada, muling nakasama ni Piolo Pascual sa set ang kapwa ABS-CBN star na si John Lloyd Cruz.
Sila ay bida sa indie film na Hele sa Hiwagang Hapis sa direksyon ng award-winning director na si Lav Diaz.
Kumusta ang working relationship nila?
“Surprisingly, walang ano… kasi you’d expect na iisipan ng tao nang ganyan, you against the other.
“Pero kami kasi ni Lloydie, we’ve seen each other grow.
"We’ve been friends for the longest time, we started together.
“My first series in 1998 was with him in Sa Sandaling Kailangan Mo Ako… and since then hindi na kami nagkasama.
“Lumaki na rin siya kaya we never had a chance.
“So ngayon, more than the competition, it’s complementing each other and helping each other to make the scene work.”
GIVE AND TAKE. Nagkasagupaan ba sila ni John Lloyd sa movie, nagpatalbugan sa akting?
“Walang ganoon, give and take kami kasi, at the end of the day, it’s not about us.
“It’s about the film, it’s about the content, it’s about the script.
"So, hindi kami… walang ganoon, which is good.”
"Walang nag-demand kung kanino dapat mapunta ang bigger role?
“I mean, we’ve reached that point where it’s not about us,
it’s about Lav’s movie.”
Ano ang feeling working with Lav Diaz for the first time?
“Ang sarap katrabaho,” sagot ni Piolo.
“Kasi I was coming from The Break Up Playlist na sobrang mainstream, romcom.
“Kay Direk Lav, take one, one shot, the whole scene, wala ka ng chance for repeat, you were pressed for time.
“You can only give a couple of days together, so rock en roll nga, e, laging sinasabi rock and roll ‘to.
“Totoo talaga kasi kung ano ‘yung nabigay mo, yun na ‘yon.”
RISKY. Aabot ng limang oras ang pelikula. Sa haba ng running time nito, nagwo-worry ba siya na hindi maging hit sa takilya ang first movie nila ni John Lloyd, lalo’t pareho silang certified box office king?
“Hele is an indie produced by Paul Soriano… it’s black and white, it’s five hours.
“It’s really for festivals abroad, I mean kung magkaroon ka ng commercial dito, twice a day lang yun.
“For me, it’s the experience of working with Lav, working with John Lloyd, working with seasoned actors.
"It’s an opportunity too hard to pass up, it’s not something you’d want a box-office.
"Not even award, [but] the opportunity to work together, to work with Lav Diaz.
“Nakakapagod na rin yung lagi ka’ng napre-pressure sa expectations, sa gusto ng station.
“Parang for me, as long as I was able to do my job well, and give it my best, bonus na lang kapag nag-box office.
“Pero siyempre you want that for your premium and at the same time, para masaya lahat, it’s business.
“Hindi lang ako nagpapa-pressure sa ganoon, basta gagawin ko ang trabaho ko kung anuman ang mangyari.
“Ginawa ko lahat, promo and everything, I’m a team player.
“Yun lang yung pinaka-share ko, kung anuman ang mangyari it’s not up to me... it’s done, tapos na siya,”
PROJECT WITH CLAUDINE? May balita na gagawa rin siya ng movie with Claudine Barretto. Totoo ba ito?
“I was just texting with her, Direk Wenn [Deramas] has a concept already but, of course, schedule, I’m starting a soap [Written in Our Stars].
“Nag-pitch na si Direk Wenn sa amin ni Clau, we just have to pitch it to Tita Malou [Santos, Star Cinema’s managing director].
“And then from there, we decide if there’s a schedule for it, if there’s availability for us both.
“Ang request ko sa ABS is for me is not to do a soap and a movie at the same time.”
According to some showbiz observers, risky sa part ni Piolo ang pagkikipag-tambal niyang muli kay Claudine sa pelikula.
Si Piolo raw kasi ang magdadala kay Claudine sa pelikula nila kapag natuloy, ano ang take niya rito?
“Just the same, just the same,” bunting-hininga ni Piolo, “I don’t want to be pressured by anything.
“If I have to do it, I will do it not because I wanna help Clau, but because it’s for us both.
“I mean, I don’t want to think I have the upperhand because Clau is Clau.
“No matter what happened to her, Clau is Clau, she’s the only one who has the right to claim whatever she owns.
“When I was starting out, Clau really helped me and until now, Clau has always been there for me, she’s a real friend.
“So parang ang sakit naman kasi kung iisipin mo na ikaw yung magdadala; she can hold her own, magaling si Clau.
“Matagal naman niya ako’ng dinala, ayokong isipin na na ako ang magdadala sa kanya.
“I don’t want her to feel she needs me or we need each other.
“If she wants to work, if she wants to do a movie, nasa sa kanya naman yun how she’s gonna do it and how it’s gonna unfold.
“Even with Juday [Judy Ann Santos], wala naman ako’ng problema, e.”
Speaking of Judy Ann, may clamour na magtambal ulit sila sa pelikula, posible na kaya after she gives birth?
“Na kay Juday na yun, proyekto na lang siguro ang hinihintay ni Juday, schedule and concept.
“Kasi at this point, hindi na kami pwede sa tipikal na rom-com, tulad din kay Clau.
“It has to be concept-driven and something na magdadala sa amin like yung Etiquette for Mistresses nina Clau, nina Kris [Aquino].
“Something like that na pwede nating sabihin na secondary na lang kami.
"Parang nakakapagod na ma-pressure para sa box office.
“Being in the business for this long, I wanna think na I’ve paid my dues already, I did what I had to do as an actor.”
Piolo Pascual comments on proposed movie with Claudine Barretto: “Ang sakit naman kasi kung iisipin mo na ikaw yung magdadala; she can hold her own."
by Julie Bonifacio posted on October 16, 2015