Andi Eigenmann declares, "Ayoko nang maging bida!"


All the way to London ay nagpunta si Andi Eigenmann upang mag-shoot ng pinagbibidahan niyang pelikulang Maid In London.

Asawa niya rito si Matt Evans at co-star si Polo Ravales sa pelikula na directed by Danni Ugali.

Hindi ba nagkailangan sina Andi at Matt na mag-shoot ng love scene bilang mag-asawa dahil sa The Greatest Love na teleserye ay magkapatid sila?

Tumawa si Matt bago sumagot, "Actually, after nung scene, tawa kami nang tawa. Kasi hindi namin alam nung umpisa kung paano ie-execute.

"Mabuti sa gabi, hindi rin ganung karaming ilaw. Naitawid naman namin.

"Sa umpisa, hindi talaga maiaalis ang ilangan pero napaka-professional talaga ni Andi Eigenmann at napakagaling."

Showing na ang nasabing pelikulang may kuwento ng mga “TNT” (tago nang tago) na Pinoy overseas sa London, at showing na sa mga sinehan ngayong Miyerkules, July 4.

Kumusta ang naging experience ni Andi shooting The Maid In London sa nasabing bansa?

“It was such a fun experience, a bit challenging at the beginning,” simula ni Andi sa presscon ng nasabing pelikula sa Aberdeen Court, Quezon City kamakailan.

“We also had our London team there to work with, si Tita Beth, kasama namin, she’s from London also.

“Iba siyempre ang style of work ethics nila doon kesa dito. Pero it was really nice that we were able to exchange notes and learn from each other and it was definitely an experience. That was unforgettable for me and I hope it’s the same with them.”

Ibig sabihin ba nito ay magiging aktibo na uli si Andi sa showbiz, dahil nagsabi siya noong magpapahinga muna siya sa limelight?

“Of course, I’m truly happy to be doing this movie with the whole cast and the production. And so, I’m here back in Manila to help promote and support the movie.

“But I’m just visiting. Puwede namang per project basis na lang muna ako, if ever na magkakaroon naman ng offers para gumawa ng certain projects, game naman ako para doon.

“Pero hindi na po ako taga-Manila. I’m from Baler, Aurora!”

Habang nasa London ay may na-meet ba siyang tunay na OFW na Pinoys para maka-relate siya sa role niya bilang isang domestic helper sa pelikula niya?

“I got really close to the family of our producer there in London, I call them ‘my titas from London’, lahat po sila ay mga OFW, they used to be. And they built their lives there through the years.

“I also met their mom and then also, yung iba pong mga nag-volunteer na mga Filipinos na sumali at tumulong sa movie while we were there, all of them were OFWs.

“I definitely consider them as my friends, if not as family up to this day, coz they took care of me there, they were so hospitable sa akin.

“Mas naintindihan ko ang gravity or kung bakit importante ang pelikula para sa mga manonood, kasi, mas naintindihan ko kung papaano tumatakbo ang mga buhay nila doon.”

Ano nga ba ang dahilan ng sinasabing pag-"quit" niya sa showbiz pansamantala last year?

“I didn’t quit. I did an interview kasi with CNN Philippines, wherein I talked about me just wanting to build or give myself another chance to do me.

“And I said I wanted to quit and get out of the whole showbiz life, but I didn’t necessarily quit being an actor. It’s just that I know who I am, what I want to be, and where I want to be in life.

“And so, I wanted to give myself a chance to focus on that. Parang being in showbiz, yung buhay mo ay masyado kang dapat pag-usapan, konting galaw ko lang, ganyan.... Or ako lagi ang may kasalanan or something. Yung mga ganong bagay.

“Inisip ko, parang, maybe, baka hindi ito para sa akin? Yun lang naman. Pero the passion for filmmaking for me is still there and I’m still looking for making more movies and in terms of movies na gusto kong gawin, kung sakali."

ADVERTISEMENT - CONTINUE READING BELOW

NO MORE BIDA ROLES? Nararamdaman ba niyang gusto niyang maimpluwensiyahan ang ibang artista sa desisyon niyang ito to live a minimalist life?

“Hindi naman. It’s not that I wanna influence people to do the same, kasi, kanya-kanya, iba-iba naman tayo, ayoko namang pakialaman yung trip ng mga iba.

“Pero para sa akin, yun lang talaga yung sa akin, kaya kung di ka masaya, ‘wag mong ipilit ang sarili mo sa isang bagay na hindi na nakakapagpasaya sa ‘yo. Yun ang importante.”

Hindi na rin ba siya open sa puyatan sa anumang work tulad ng taping ng teleserye?

“Siyempre, gusto ko po. Pero ang hirap lang po kasi sa akin ay yung araw-araw, tapos, hindi ko na nakikita yung anak ko.

“So, siguro, in short, parang ayoko nang maging bida! Hahaha!

"Parang baligtad. Yun lang yung ayokong part.

“Game naman akong magtrabaho, e, pero ‘pag bida kasi, ikaw lahat, e, at ikaw pa yung nagkakamali ‘pag… alam mo ‘yun?”

Sa rate na 100 percent, nasaan ang rate ng happiness niya ngayon?

“One hundred percent!” aniya. “Kasi, meron man akong clear grasp na ang mundo at buhay ay hindi perpekto, kuntento ako, at yun lang ang importante para sa akin.”

ASPIRING SCRIPTWRITER. Aminado si Andi na sinusubukan niya ang larangan ng pagsusulat. 

“I’m writing one script at the moment. But I’m not going to be in it. If ever, siguro, something that’s really close to what I do in my life as a surfer and an island girl in Baler.

“Siguro, action, or mga bagay na talagang nababagay sa akin or pinaniniwalaan ko, or yung naiintindihan ko. Hindi yung hinand-over lang sa akin tapos, wala akong choice kundi gawin.”

Ano lang ang iniwan niyang materyal na bagay mula nang iwan niya ang dati niyang buhay o lifestyle?

“Yung furniture ko lang. Yung gamit ko sa bahay. Yung mga hindi magagara. Mga sapatos ko ngayon, puro mga sneakers at rubber shoes na lang, pants, t-shirts, bathing suits.”

So, kung wala na siyang kotse, ginagawa na rin ba niya ang mag-commute tulad ng ordinaryong tao at hindi artista?

“Yeah, I commute in Manila. And it’s so hard mag-Grab [taxi], my God! I almost gave up!”

Napapansin siya ng publiko when she commutes?

“I say hi to them. Hahaha! Or actually, most of the time, nag-iisip siguro sila kung ako ba talaga yung nakikita nila? Bahala sila!”

ADVERTISEMENT - CONTINUE READING BELOW

ASPIRING FILMMAKER. Sa estado niya ngayon ilang isang freelancer (matapos ang ilang taong under Viva Artists Agency), nakakapamili na siya ng projects na gusto niyang gawin?

“Opo. Pero para namang I’m not in the proper position to choose which projects I need to do, pero yung tipo sigurong ‘pag na-offer-an ako… Or maybe, yung tipong allowing me to let people know kung ano talaga yung…

“Parang siguro, this way, mas pinapakilala ko na ang sarili ko kung sino talaga ako. So, yung mga projects na papasok, hopefully, naiintindihan nila or nakikita nila kung sino na ako, so yung ibibigay nila ay yung para talaga sa akin.

“Naeenjoy ko po talaga ang pagiging freelance artist. Noong bising-busy po kasi ako sa pag-aartista, kinalimutan ko na ang mga totoo kong pangarap-- ulad ng pagse-surf at pagiging isang writer.

“I’ve always talked about wanting to become a filmmaker. I’ve focused so much on being in front of the cameras. Sana, magka-tsansa ako!”

Ano na ang status ng sinusulat niyang script?

“Ay, as in 20 percent pa lang. Kasi, pabagu-bago ang isip ko, so, sabi ng friends ko, ‘Okay lang ‘yan, kasi, first time mo ‘yan at saka passion project.’”

May peg ba siya sa pagsulat ng screenplay?

“Meron, parang yung director ng Thor Ragnarok [Taika Waititi]. So, just like him, I wanted to tell stories about real life in the Philippines, especially in the provinces, especially because we don’t get to shed light on the people and their lives there.

“But also at the same time, show that these situations, although they might be serious, they’re not all sad, so, I want to write more on the comedy side.”

Dagdag ni Andi, yung ginagawa niyang script ay inspired nga ng mga ampon niyang teen surfers sa Baler.

“Inspired nila ‘ito, mga kuwento nila sa akin. Mga kuwento ng buhay nila.”

Sinusuportahan rin ba siya ng mga friends niya sa showbiz sa kanyang desisyong pamumuhay sa Baler?

“I’m not really seeing them na, e. To me, yung mga real friends ko, sila yung they’re going to be there no matter what.

“Some of my friends – old friends – still visit me in Baler. They go with me to Baler, gano’n. Or they call me when I’m here.

“Pero like sina Yassi [Pressman], ganyan, they always don’t forget to give me a call. And I’m really grateful for that.”

ADVERTISEMENT - CONTINUE READING BELOW




WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN