Best-selling author Paulo Coelho commends Coco Martin movie Kinatay

Paulo Coelho describes Brillante Mendoza film Kinatay as "one of the most disturbing movies." This Pinoy film is top-billed by Coco Martin (in photo). 


Siyam na taon pagkatapos na ipinalabas ang pelikulang Kinatay ni Direk Brillante Mendoza, pinuri ito ng Brazilian lyricist and novelist na si Paulo Coelho.

Napanood ng best-selling author ang Kinatay at tinawag niya itong “most disturbing movie” na kanyang napanood.

Sa kanyang tweet noong December 28, worthy of a Oscar nomination daw ang naturang pelikula.

“One of the most disturbing movies I watched in 2018 -  great screenplay, director, actors. A Filipino movie that, if it was directed by Tarantino, would be shortlisted for the Oscar.”

Ang tinuturing niya na Tarantino ay ang American filmmaker na si Quentin Tarantino na kilala dahil sa kanyang mga pelikula na puno ng violence. 

Nakilala si Coelho dahil sa 1988 international best-selling novel na The Alchemist. Sinulat din niya ang The Pilgrimage, Hippie, The Valkyries, Aleph, Maktub, The Manual of the Warrior of Light, at Like the Flowing River.

Noong May 1, 2018 pumirma si Coelho para sa isang TV series based on the characters of his novels The Devil and Miss Prym, Brida, at The Witch of Portobello.

Nagkaroon naman ng pelikula tungkol sa buhay ni Coehlo na ang titulo ay The Pilgrim – Story of Paulo Coelho (Não Pare na Pista).

Nag-premiere sa 2009 Cannes Film Festival ang Kinatay na may English titles na Butchered/The Execution Of P.  Mula ito sa panulat ni Armando Lao.

Bida sa Kinatay si Coco Martin as Peping, isang criminology student na aksidenteng napasama sa isang sindikato para kumita ng pera para sa kanyang pamilya. Nasaksihan niya ang pagdakip at pagkatay sa isang prostitute dahil may malaking utang ito sa boss ng sindikato.

Kasama rin sa cast sina Maria Isabel Lopez, John Regala, Jhong Hilario, Mercedes Cabral, Julio Diaz, Lauren Novero at Benjie Filomeno.

Na-nominate ang Kinatay for a Palme d’Or at napalunan nito ang Prix de la mise en scène or best director award for Brillante Mendoza.

ADVERTISEMENT - CONTINUE READING BELOW

Nakuha rin ng Kinatay mula sa Sitges International Film Festival ang awards na Best Director at Best Original Soundtrack. 

Sa Pilipinas, nakakuha ito ng mga parangal mula sa 33rd Gawad Urian (Best Film, Best Director, Best Sound); 7th Golden Screen Awards (Best Actor, Best Supporting Actress, Best Director), at Gawad Tanglaw (Best Supporting Actress, Presidential Jury Award for Excellence in Acting for Coco Martin).


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN