Kasado na ang pagpunta sa South Korea ng pitong Dream Chasers na sina Jeromy Batac, Marcus Cabais, Kyler Chua, Vinci Malizon, Reyster Yton, Kim Ng, at Winston Pineda.
Sila ang mga nanalo sa Dream Maker, ang kauna-unahang idol survival competition ng Kapamilya Network, na nagtapos noong February 12, 2023.
Ang pitong Dream Chasers, na nakakuha ng pinakamataas na boto mula sa public votes, ay ipinakilala bilang all-male group na HORI7ON. Ang bigkas nito ay HORIZON.
Base sa resulta ng show, si Jeromy ang may highest votes na 3,188,238; pangalawa si Marcus na may 2,824,716; at pangatlo si Kyler na may 2,697,520 votes.
Pang-apat si Vince na may 2,447,877 votes; panglima si Reyster na may 2,285,407; pang-anim si Kim na may 2,240,510; at pampito si Winston na may 2,049,832 votes.
Pormal silang pinakilala sa entertainment press, kabilang ang PEP.ph (Philippine Entertainment Portal), noong Valentine's Day, February 14, 2023.
Ayon sa business unit head ng Dream Maker na si Marcus Vinuya, sa South Korea magti-train at magde-debut ang HORI7ON.
Excited ang mga miyembro ng all-male group sa bagong hamon na kanilang susuungin.
Ayon kay Marcus: "Like, honestly, like right now, I know that we've already been training for quite a long time already.
"But, I feel like we can definitely improve more on... Like, when we train, we definitely can be more.
"I don't know how to say it, but be more, I guess, more full [of] power when dancing.
"I remember in the finals, like, the nerves really kicked in and it was really hard to, like, dance so hard.
"But, I know that all of us right now definitely improved, compared to the first day, like, mentors' evaluation.
"And I know that it will get better sooner or later. So, I'm very excited for what's to come for all of us."
Hindi lang physical training, kundi pati pagkakaroon ng tamang mindset ay dapat daw nilang paghandaan.
Paliwanag ni Winston: “For me po, kailangan ko po talagang mas i-maintain, tama po ba? I-enhance pa yung mindset ko po talaga.
"Kasi, alam ko na once we go to Korea, I know na marami pa kaming mararanasan na struggles.
"So, kailangan pa ng mas matatag na isip in order to succeed and malagpasan yung problem and struggles na maaaring maranasan dun sa Korea."
Naging tapat naman si Vinci kung saang aspeto ang mas natsa-challenge siya.
"I think kailangan ko pang mag-improve sa field ng vocals kasi prior [to] Dream Maker, I didn't have any formal training [for singing].
"So, parang feeling ko, kapag nasa Korea na kami, mabibigyan pa kami ng choice to train more and mas [ma-improve] pa yung vocals namin as a group, and maka-record kami ng album na maganda, and mare-receive ng tao na very good," saad ni Vinci.
Ipinunto naman ni Kyler ang kahalagahan ng teamwork.
Ani Kyler: "Feeling ko po, yung para sa akin is yung ang e-enhance ko po ay yung sa group ko po, yung aming group, kung paano ko po sila pakikisamahan, ganun.
"Tapos pag nakapunta na po kami sa Korea, and yun din po, yung mga tao kung paano rin po namin sila kakausapin nang matino, ganun.
"Yung may galang po, tapos kung paano po sila iti-treat nabg tama, kasi bago pa lang po kami doon. Ayun po, parang humble lang."
Excited din si Kim sa mga matututunan ng HORI70N sa Korea.
"Siguro yung e-enhance ko po is yung mindset ko at saka yung loob ko and yung mga weakness ko.
"Kasi iba talaga yung training dun sa Korea. And yun yung importante talaga, yung pakikisama and yung language para makapag-connect with Korean people," sabi ni Kim.
Gusto naman ni Reyster matutong mag-rap.
"Siguro po yung pagra-rap ko po kasi hindi po talaga ako nag ra-rap," ani Reyster.
Pahabol ni Jeremy: "Sa tingin ko kailangan ko pong i-enhance yung singing ko. Kasi marunong naman po ako pero para po more pa.
"Kailangan pa i-enhance yung rapping po, kasi gusto ko po talagang mag-rap."
- Dina Bonnevie discloses why her father disapproved of the late Alfie Anido
- Rosanna Roces, Gerald Anderson, Joross Gamboa, Albie Casiño, netizens poke fun at Joseph Marco’s “pabakat ni mayor”
- Carla Abellana: "I honestly don’t see myself getting married again."
HORI7ON MEMBERS ON DEFINING MOMENTS IN DREAM MAKER
Para kay Marcus, hindi lang isa ang defining moment niya sa pagsali niya sa Dream Maker.
Maituturing daw kasing "journey" ang pinagdadaanan niya at ng mga kapwa miyembro na nangangarap makilala bilang idol group.
Na-enjoy raw niya ang bawat mission kunsaan hinihinang ang kanilang talento sa pagkanta at pagsayaw.
Nagpasalamat din si Marcus sa mga taong bumoto sa kanya para makarating siya sa Top 7 at makasali sa grupong HORI7ON.
Defining moment din kay Vinci ang mapabilang sa HORI7ON.
"Lahat naman ng performance ko tina-try ko ipakita na deserving ako.
"But I think that solidified my position I think in the top kasi nung ginagawa ko yung choreo, ang daming co-dream chasers na nagpapaturo nung part na yun. Gusto rin nila malaman.
"Thank you po kay Coach Lee, I'm super grateful po na nabigyan ako ng ganung opportunity makapagbigay ng ganung stage.”
Naalala naman ni Winston ang pagkakataong nalagay siya sa "danger zone."
"Hindi ko po siya ite-take as negative, tine-take ko po siya as positive kasi because of that I realized na dapat mas hard work pa ako and be grateful in every blessings that I have.
"Because of that time, dapat mas mag-hardwork pa ako and patunayan sa mga tao, and as well to the Dream Mentors that I deserve to be on top."
ON GAINING CONFIDENCE
Ibang klaseng saya raw ang dala nang malampasan nila ang bawat pagsubok sa kompetisyon.
Kuwento ni Winston, "Nung during training po namin, nag-perform po kami on stage, na-realize ko na I love performing, and stage presence po.
"Parang kaya ko rin po magkaroon ng stage presence. Na-discover ko sa sarili ko, kaya ko mag-perform with facial expression and connect to the people watching you."
Humbling naman para kay Marcus na mapagtanto na marami pa siyang kailangang matutunan, mapa sa pagkanta o pagsayaw.
Aniya, "That is the most I improved on here in this show, my dancing. Dati I was just following choreos at home. I never really danced with other people."
Dagdag ni Kim, "Yung na-discover ko po dito sa journey ko po, yung pag-memorize ng mabilisang choreo.
"Kasi lahat ng mga sayaw talaga namin dito is surprise, like 'Ito, three days niyo lang dapat gawin, kasi meron tayong show or mission.'
"And then, ayun, sobrang happy ako."