Nag-"balikbayan" ng American singer na si Bruno Mars sa Pilipinas para sa kanyang two-night concert sa Philippine Arena, sa Bulacan.
Ginanap ang first night ng sold-out concert ni Bruno nitong Sabado, June 24, 2023.
Read: Bruno Mars Day 2 concert announced; Day 1 is sold-out!
Hindi naman binigo ni Bruno, na itinuturing bilang isa sa most talented male performer, ang libu-libong bumiyahe nang malayo para mapanood siyang mag-perform.
Buong gabi ay napuno ng kantahan, sayawan, at hiyawan ang loob ng Philippine Arena habang pini-perform niya ang ilan sa kanyang biggest hits.
Nakisabay ang audience sa pagkanta ni Bruno at ng bandang The Hooligans sa upbeat songs na "24K Magic," "Finesse," "Treasure," "Billionaire," "That's What I Like," at "Runaway Baby."
Lalo namang pinabilib ni Bruno ang audience dahil sa pagbirit niya sa sultry song na "Versace on the Floor," sa mapanakit na "When I Was Your Man," at ang nakaka-excite na "Locked Out of Heaven."
Umabot sa sukdulan ang energy level ng crowd sa "Just The Way You Are" at sa encore song na "Uptown Funk."
Siyempre, bentang-benta rin sa Pinoy crowd kapag humihirit ng Tagalog words si Bruno, na ang yumaong ina ay Filipino.
Bati ni Bruno sa audience pagkatapos ng opening song niya, "Masaya ako na makita kayo!" Sa kalagitnaan naman ay tinanong niya ang lahat ng "Masaya ba kayo?"
Ginamit niya ang phrase na "Miss na kita, mahal" sa kantang "Calling All My Lovies / Wake Up in the Sky."
Bumanat naman siya ng "Nahihiya ako" nang sabihin niya sa audience, “I have this fantasy in my head that when I sing that song ["Leave the Door Open"], Filipino women will be screaming ‘I’m coming, Bruno! I’m coming!’”
Read: Bruno Mars incorporates Tagalog lines during his Manila concert; sings: "Miss na kita, mahal"
Gaganapin ang second night ng Bruno Mars Live ngayong Linggo ng gabi, June 25.
