Michael Roy Jornales, pinaputok ang labi ni Biboy Ramirez sa "Pinoy Mano-Mano"

by Noel Orsal
Nov 5, 2007
Duguan at may putok sa labi si Biboy Ramirez (asul) pagkatapos nilang maglaban ni Michael Roy Jornales (pula) sa Pinoy Mano-Mano noong Sabado, November 3.


Duguan at putok ang labi ni Biboy Ramirez nang bumaba ng ring sa laban nila ni Michael Roy Jornales sa Pinoy Mano-Mano: The Celebrity Boxing Challenge nitong nakaraang Sabado, November 3, sa ABS-CBN. Itinanghal na panalo si Michael Roy by unanimous decision.

Naging mainit ang laban nina Biboy at Michael sa huling round dahil ibinuhos na nilang pareho ang kanilang natitirang lakas para patunayan kung sino sa kanila ang mananalo.

Pero nabigo si Biboy nang i-announce na si Michael ang panalo sa kanilang match at maluwag naman nitong tinanggap ang pagkatalo.

Sa undercard ay muling lumaban ang tumalo kay Juddha Paolo last week na si John Hall, katunggali ang six-footer na si Gerard Montes.

Katulad ni Juddha, balikat din ang idinaing nitong si Gerard kaya itinigil ng referee ang laban sa round 3 ng kanilang laban at itinanghal muli na panalo si John.

Nakita rin namin na may sugat sa kanyang ilong itong komedyanteng si Gerard dahil sa malalakas na natamo nitong suntok galing sa undefeated na si John Hall.

Continue reading below ↓

Nang in-interview ng TV crew ng ABS-CBN ay narinig naming sinagot ni Gerard ang tanong ng reporter kung kumusta naman siya? Ang sagot nito ay "Okey lang naman, kaya ko naman ang mga suntok niya."

Sa crowd ay nakita naming nanood ang ilan pang mga celebrities gaya ni Polo Ravales. Tinanong siya ng Pinoy Mano-Mano co-host na si Bayani Agbayani kung iimbitahan ba siya na lumaban sa Pinoy Mano-Mano ay pagbibigyan ba niya. Sagot naman ng Kapuso star na okay lang.

Katabi ni Polo sina Jake Cuenca at Roxanne Guinoo, pero nang makita namin ito ay sweet na sweet ang dalawa na tila walang pakialam sa mga taong nakatingin sa kanila. Kung si Polo ay okay sa kanya na lumaban sa celebrity boxing match, para kay Jake naman ay puwede rin pero saka na lang daw.

Present din ang sexy vegetarian na si Alicia Mayer, ayon dito tuwing may laban daw si John Hall ay lagi siyang nanonood. Ayon naman kay Bayani magkaibigan daw sila.

Continue reading below ↓

Napansin din naming full support ang rumored pregnant girlfriend ni Biboy na si Jackie Rice dahil present din ang kanyang beauty sa araw na iyon, pero taliwas sa nababalitang buntis ay sexy at hindi malaki ang tiyan ng StarStruck Batch 3 Ultimate Survivor nang pumunta sa bakuran ng ABS-CBN.

Pagkatapos ng laban ay sandali naming naka-usap itong si Michael at sinabi niya sa PEP (Philippine Entertainment Portal), "Masaya ako dahil siyempre nanalo ako, kaya lang nung makita ko si Biboy na nagdugo ang ilong at may tatlong bitak sa labi ay nalungkot ako.

"Kasi magkaibigan kami hindi ko naman gusto na magkaganun siya, pag-akyat mo kasi ng ring hindi mo na naiisip na kaibigan mo yung makakalaban mo, ang tanging iniisip mo lang ay kung paano mo siya matatalo," paliwanag ni Michael.

Sa susunod na Sabado, November 10, ay nakatakdang maglaban ang dalawang dating housemates na sina Rico Robles at Rico Barrera. Si Rico R ay sumali sa Pinoy Big Brother Celebrity Edition 1 samatalang si Rico B ay kasama sa PBB Season 1. Sino kaya sa dalawang ito ang bibigyan ng task ni Big Brother sakaling matalo?

Continue reading below ↓

Abangan ang kanilang laban sa Pinoy Mano-Mano: The Celebrity Boxing Challenge sa ABS-CBN pagkatapos ng TV Patrol Sabado. Ang reality boxing competition na ito ay ipapalabas ng 8 pm with hosts Cesar Montano at Bayani Agbayani.

Read Next
Read More Stories About
ABS-CBN, television
Featured
Latest Stories
Trending in Summit Media Network

Featured Searches:

Read the Story →
Duguan at may putok sa labi si Biboy Ramirez (asul) pagkatapos nilang maglaban ni Michael Roy Jornales (pula) sa Pinoy Mano-Mano noong Sabado, November 3.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results