GMA Network says The Borrowed Wife does not intend to degrade call center agents

Ayon kay Hazel Abonita, program manager ng Kapuso teleserye na The Borrowed Wife, nagkaroon ng research ang kanilang creative team para sa teleserye na pinagbibidahan nina Pauleen Luna, TJ Trinidad, Camille Prats, at Rafael Rosell. “There was no intention on our part to degrade the call-center profession," sabi ni Abonita tungkol sa controversial lines na pinakita sa pilot episode ng naturang afternoon teleserye.


Nilinaw ng kampo ng GMA Network na wala silang intensiyong maliitin ang call center agents, kaugnay ng ilang eksenang lumabas sa Kapuso afternoon soap opera na The Borrowed Wife.

Nag-react kasi via social media ang mga nagpakilalang nagtatrabaho sa call centers dahil minaliit umano ang kanilang propesyon sa ilang eksena na pinakita sa January 20 pilot episode ng The Borrowed Wife.


THE DIALOGUE. Sa nasabing eksena ay nag-uusap ang mag-asawang sina Rico (ginagampanan ni Rafael Rosell) at Maricar (Charee Pineda). Sa kanilang palitan ng dialogue ni Rico ay tila minamaliit daw niya ang pagtatrabaho sa call center.

Ganito ang takbo ng eksena:

Rafael: Kaso lang, Mahal, call center ito, kinukuha nila ako bilang call center agent. Kahit sino naman yata matatanggap dun, e!

Charee: Wag ka nga ganyan, matino na trabaho yun.

Rafael: Paano ko kayo bubuhayin sa isang training fee na P12,000 a month? Paano yung tubig, yung kuryente, yung bahay, yung kotse, yung bisikleta na gusto ng anak mo? Hindi ito yung buhay na ginusto ko sa inyo!

Charee: Kaya natin ‘yan. Puwede kita tulungan, Pwede ako magtrabaho ulit.

Rafael: Hindi, ako ang lalaki, ako dapat ang bubuhay sa inyo!

Charee: Mahal, mag-asawa tayo, ang mag-asawa nagtutulungan, nagdadamayan. Mahal, kaya natin ito. Haharapin natin itong magkasama.

Rafael: Salamat at nandyan ka. Salamat at mahal mo ako.

Kung sa unang eksena ay diumano’y minaliit ang sahod ng pagtatrabaho sa call center, sa pangalawang eksena ng mag-asawa ay gumamit ng mga pahayag na “nakakapurol ng utak” at “Hindi ako ng nag-aral para sumagot lang ng telepono,” na mga pahayag ng karakter ni Rafael sa pagtatrabaho bilang call center agent.

Ang palitan ng kanilang linya ay ang mga sumunod:

Charee: Mahal, ok ka lang ba? Masakit ba ulo mo? Mahal, kung hindi mo naman kaya yung graveyard shift puwede magpalipat ka.

ADVERTISEMENT - CONTINUE READING BELOW

Rafael: Wala na, Maricar, nag-resign na ko!

Charee: Ha? Bakit?

Rafael: Hindi ko na kaya! Hindi ko kaya bawat araw iisa lang ang sasabihin ko. Nakakapurol ng utak. Hindi ako ng nag-aral para sumagot lang ng telepono. Galit ka ba na nagresign na ako?

Charee: Hindi, di naman kita pwedeng pilitin sa bagay na di mo gusto kaya lang iniisip ko yung mga bayarin natin dito sa bahay. Mahal, e, kung bumalik na lang ako sa trabaho?

Rafael: No, napag-usapan na natin yan, di ba? Gusto ko dito ka lang sa bahay at inaasikaso anak natin.



DISCRIMINATION? Dahil sa sinasabing mga insulting remarks sa kanilang trabaho ay nagpahayag ng mga opinion at pagdepensa mula sa mga call center agents.

Ang isang call center agent na nagngangalang JM Cruz ay nagsalita on behalf ng kapwa niyang mga call center agents dahil sa dalawang eksena na ito ng The Borrowed Wife. Si JM ay bahagi ng online program titled The Call Center Show.

“We strongly condemn this kind of mockery. The nerve of these supposed writers to discriminate against an industry they know nothing about!

“The gall to belittle an industry with billions in revenues making it one of the chief economic drivers of this country.

“An industry that employs hundreds of thousands of hardworking people who pay billions in taxes to the government. What about them? How much do they know? How much research have they done to make such sweeping, degrading statements?

“We will not take these things sitting down, we will pursue this unless mistakes are rectified. This is the height of irresponsibility, the height of insensitivity and unprofessionalism on the part of GMA network and its producers.”

NO INTENTION TO BELITTLE. Sa isang statement mula sa GMA Corporate Communications, ipinahiwatig nila na wala silang intensiyong maliitin ang mga call center agents.

ADVERTISEMENT - CONTINUE READING BELOW

“The scene was establishing the character of Rafael Rosell as Rico...his frustration and anger on not providing enough for his family. In real life, we say things that we don’t really mean out of dissatisfaction. The writer has no intent of belittling the jobs of the call center agents or any other job.”

Ngayong Lunes ng hapon, January 27, nakausap ng PEP senior writer na si Bernie Franco ang program manager ng The Borrowed Wife na si Hazel Abonita.

Sinabi ni Abonita na maglalabas ng statement ang GMA sa 24 Oras ngayong gabi hinggil sa isyu.

Sabi pa ni Abonita, “There was no intention on our part to degrade the call-center profession.

“We all know that The Borrowed Wife is a fictional story, with fictional characters, who portray fictional roles.”

Sinagot din ng program manager ang akusasyon na hindi nagsaliksik nang maagi ang writers ng nasabing programa.

“We did the appropriate research naman,” ani Abonita.

“Kumbaga yung mga tao naman, who are doing what they are doing for the program…

“The producers and the creative, ano naman ‘yan… pinag-aaralan naman namin po kung ano ang ginagawa namin, so there is viable data on the terms that we used for the specific programs.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN