Isang bagong Kapamilya ang nakatakdang i-welcome ng ABS-CBN ngayong Setyembre.
Ito ay base sa teaser na inilabas ng Dreamscape Entertainment ngayong Huwebes ng umaga, September 9.
Nakalagay sa teaser: "A precious jewel finds a new home."
Ginamit din ang hashtag na #JustLove kung saan ang letter "e" ay nakasulat ng kulay puti, habang ang ibang letra ay kulay purple.
Base sa teaser, ire-reveal ang identity ng bagong Kapamilya sa September 16, Huwebes.
Mabilis namang nanghula ang netizens kung sino ang magiging bagong Kapamilya.
Karamihan sa mga hula ay sinasabing si Lovi Poe ang pipirma sa ABS-CBN. Madaling naikonekta ng netizens ang hashtag na #JustLove sa pangalan ni Lovi.
Matagal-tagal na ring nababalitang lilipat si Lovi sa Kapamilya network at hindi na pipirma ng bagong kontrata sa GMA-7, kung saan kinikilala siya bilang Kapuso Premiere Actress.
Subalit hanggang ngayon ay wala pang kumpirmasyon si Lovi tungkol dito.
Si Lovi ay huling napanood sa romantic-comedy series na Owe My Love, na nagwakas nito lang June 2021.
May iba namang ginawang biro ang kanilang mga hula. Ilan pa sa mga pangalang lumabas ay sina Ruby Rodriguez, na sinasabing lalabas din sa ABS-CBN, at ang matagal nangibang bansang si Jewel Mische.
Kung sakaling galing nga ng GMA-7 ang "precious jewel" na lilipat sa ABS-CBN, siya ang kasunod nina Janine Gutierrez at Sunshine Dizon, na naunang nakalipat sa Kapamilya network sa unang bahagi ng 2021.
Use these Adidas PH promo codes when you shop or order online. Marami pang ibang coupons dito.