Naging sentimental si Rica Peralejo na muli siyang nakatuntong sa ABS-CBN building.
Si Rica ay homegrown talent ng Kapamilya network at naging mainstay ng ASAP noon. Pero nag-quit sa showbiz si Rica nang mag-asawa siya.
Guest si Rica, kasama ang batchmates na sina Jolina Magdagal at Nikki Valdez, sa episode ng ASAP Natin 'To noong Linggo, July 4, 2022.
Kasama nilang nag-perform ng kanta sina Regine Velasquez at Zsa Zsa Padilla.
Ipinost ni Rica sa Instagram ang highlights ng kanyang pagbabalik sa ABS-CBN.
Sa kanyang post, binalikan ni Rica ang mga magagandang alaala niya sa Kapamilya network.
Mensahe niya (published as is), “Being on television last Sunday again reminded me of how lucky I was to have grown up performing alongside some of the greatest names in the industry since I was 12 years old.
“I no longer sing for a living but when I was invited I said yes kasi napakakapal naman ng mukha ko mag-no after sabihin kasama ko ay no less than ZsaZsa P and Regine V.
“At higit sa lahat, na magkadressing room kaming muli nila @nikkivaldez_ at @mariajolina_ig na na ang lakas makabalik ng many good memories.
“Hindi ko akalain na maeenjoy ko pala ito.”
Hindi raw akalain ni Rica na magiging emosyonal ang kanyang dapat ay guest appearance lang sa ASAP.
Aniya sa isa pang post, ang gusali ng ABS-CBN ang nagsilbing pangalawang tahanan niya dahil doon siya lumaki.
Marami na raw nagbago pero marami pa rin siyang magagandang alaala.
“Everything feels different while also everything feels familiar. Like it was only yesterday,” sabi ng former Kapamilya.
“Part of me is emotional, and maybe that comes with your 40s and you realize so much of what shaped your life.
“And it reminded me today of how I never wanted to be popular, and that I only wanted to be a performer. It reminded me also of hard work.
“It reminded me of how humbling it is to be in this business, of how you cannot be entitled.”
Naaalala niya na ang kanyang kapatid na si Paula Peralejo ang nagdala sa kanya sa building.
“I entered ABSCBN that day as a regular kid with an ice cream stain on her peach shirt she bought on sale in Cinderella, and went out with a new direction in her hands.
“TOO. MANY. MEMORIES. TOO. MANY. DEFINING. MOMENTS. Nag-asap lang naman dapat diba?” biro pa niya sa kanyang post.
Sa highlights, kinunan ni Rica ang mga importanteng lugar sa ABS-CBN building.
“The hallway of my childhood,” caption niya sa hallway ng ABS-CBN main building.
Kinunan din niya ang dressing room na una niyang ginamit higit dalawang dekada na ang nakalilipas.
“many Sundays i spend in this very studio,” pagtukoy niya sa ASAP studio dahil naging regular siya noon sa Sunday musical-variety show.
Na-enjoy man ni Rica ang makapag-perform, tila hindi na ang showbiz life ang kanyang prayoridad.
Makahulugan niyang panghuling caption: “time to go home now, that was a good trip down memory lane.”