Pinagpala si Ruby Ruiz na gumanap bilang nanny ni Margaret (karakter ni Nicole Kidman) sa six-episode Amazon Prime series na Expats na mag-i-streaming next year.
Ang kuwento ng serye ay base sa nobelang The Expatriates (2016) ni Janice Y. K. Lee.
Nasa cast din ng Expats sina Brian Tee, Sarayu Blue, Ji Young Yoo, at Jack Huston.
“Maganda ang representation ng Filipinos dito,” sambit ng premyadong aktres sa mediacon ng Cinemalaya 18: Breaking Through The Noise noong Hulyo 6, Miyerkules sa Cultural Center of the Philippines.
Kumusta ang pakikitrabaho kay Nicole?
“Oh! It was great, it was one of my best ano… yes, in my life. She’s a great actress,” tugon ni Ruby, na kasama sa Cinemalaya 2022 entries na Ginhawa at Angkas.
RUBY THANKFUL FOR REPRESENTING PINOY OFWS IN CINEMA
Inaasam ni Ruby na naitawid niya ang representation ng Filipino OFW sa Expats.
“Tungkol po iyon sa mga American expats na based in Hong Kong. Kaya meron pong Filipino nanny,” saad ni Ruby.
Nag-audition ba siya para dito?
“Opo, nag-audition po ako. 'Tapos, mga nakailang self pic na padala. Tapos parang nawala,” pagbabalik-tanaw ng aktres.
“So akala ko, hindi na ako makukuha. Biglang may tumawag na lang, ‘In ten days, you have to leave the Philippines.
“E, that time, expired ang passport ko, kasi pandemic yun, e. Sabi ko, ‘That’s impossible,’ sabi kong ganyan. ‘No, no, no, no! You have to leave,’ ganyan-ganyan.
“Naku! Sabi ko, ‘Paano kaya ‘to?!’ Nagawan nila ng paraan. Ganun pala pag ano, yun.”
Meron nang nagawang international project before si Ruby.
“Pero hindi yung ganito ka-extensive. First time ko ‘to. Ako rin, akala ko, baka ano lang naman yung role ko,” salaysay ni Ruby.
“But when I got there, nung binasa ko na yung script… Kasi madalian, e. Nabasa ko lang yung script while we were in quarantine in Maldives.
“Maldives kami pinadala muna. Kasi, that time, lockdown pa tayo. Naka-red ano yata tayo.
“Bawal. Anybody from the Philippines cannot go straight to Hong Kong. Kaya nag-Maldives muna kami, for 21 days.
“'Tapos, another 21 days in Hong Kong. So, total of 42 days of quarantine.
“So, sa 42 days na yun, tatlong beses kong nabasa yung script.
“Dun ko nakita na… nagpasalamat talaga ako dun sa writers and the director for choosing the Filipinos to represent the overseas ano.”
Mahigit apat na dekada nang artista si Ruby. Ang unang pelikula niya ay Bona (1980) kung saan gumanap siyang kapatid ni Nora Aunor.
Disiotso anyos pa lang siya noon.
RUBY AWESTRUCK WITH NICOLE'S PROFESSIONALISM
Kumusta ang working dynamics nila ni Nicole Kidman?
“Very ano, ahhmm, she’s very professional. All of them, not just her,” pagdidiin ni Ruby.
“Let’s not just focus on her. But they’re all very professional. Napaka… ako, sa haba ng karanasan ko na rin na iba-ibang character roles dito sa atin.
“Nakatrabaho ko na ang the masters. Nora Aunor, Vilma Santos, Amy Austria, Hilda Koronel, you know.
“Wala pa akong nakatrabaho na katulad ng Nicole Kidman. Hindi sa minamaliit ko tayo.
“Ano tayo, kaya nating lumaban. Kaya nating itapat si Ate Guy, si Ate Vi, you know.”
Bakit niya nasabing walang katulad si Nicole?
“Maybe it’s because… to her, parang acting is like breathing,” paghugot ni Ruby ng malalim na buntong-hininga.
“Ano lang, hindi mo mahahalata. E, di ba, nagtuturo rin ako ng acting. 'Tapos, nakita ko, my God! This is… ito yung gusto kong ma-achieve!
“Ito yung ina-aspire ng halos lahat ng artista na parang seamless from the truth, na totoong buhay, yung ganun.
“Parang wala, it’s just like breathing. That’s how I would describe her acting.”
RUBY RECOUNTS AMUSING ANECDOTE WITH NICOLE
Kumusta si Nicole in person? Nagmamaldita ba ito? Nagpapaka-diva?
“She’s very friendly. She’s very friendly, 'tapos gustung-gusto niya ako, kasi natural akong… hindi ako nag-ano, yung pasosi-sosi,” pagkunot-noo ni Ruby.
“Pag ano na, kakausapin na niya ako… pag natatabi yung chair ko. Dun pala, may kanya-kanyang silya. Wala kang bitbit na folding chair. Meron ka nang naka-provide.
“Pag natatabi ako sa kanya… yung nerbiyos ko talaga nung una!!! Kasi, sa nosebleed! Sabi niya, ‘Oh, Ruby!’ ‘Yes?’
“Personal, small talks? Eto na lang, hindi ko sasabihin kung ano yung pinag-usapan namin but her reaction was, ‘Oh my God! I’m so mortified!’
“Sabi ko na lang, ‘Excuse me, excuse me, I forgot something.’
“Alis ako sa silya ko. Punta ako sa malayo, hinabol ko yung ano ko, ‘Psst! I-google mo nga, anong ibig sabihin ng mortified?!’
“‘I’m so mortified!’ Hindi na ako maka-react, kasi hindi ko maintindihan kung ano ang ibig sabihin.
“I’m so nervous! Ano, manghuhula ako sa utak ko?!”
NICOLE HEAPS PRAISE ON RUBY
Bakit na-mortify si Nicole?
“Basta! 'Tapos, marami, maraming mga ano… Like she would tell me…” napapangiting lahad ni Ruby.
“There’s one very memorable scene with her, and then after that, hinawakan niya ako, sabi niya, ‘You’re so good! You’re great! Congratulations!’
“Ako, sabi ko naman sa kanya, ‘No, you are!’ Kasi, ang ginawa ko lang naman po dun, sumusunod lang ako sa kanya.
“I’m just reacting, yung ganun. E, ang galing-galing niya, e! Padala ka lang sa kanya. I mean, acting is reacting. I just reacted to her.
“So, yun ang sabi ko sa kanya. ‘No, you’re the one! You’re good. We have chemistry,’ ganyan-ganyan-ganyan. Yun.
“I’m really hoping to work with her again. Kasi sabi ng mga ano, ‘You should have told her that ano… oh, let’s work again,’ may ganun.
“Kasi siya daw, pag nagustuhan ka niya, siya ang magpu-push sa 'yo. Very supportive siya.
“Well, I hope that after ma-release itong Expats, I hope to get more projects. And not just me.
“Because I would always tell them, pag pinupuri nila ako, minsan nao-overwhelm ako.
“‘You know what, I’m not the best in our country. We have so many, you know, we have an array of really great actors.’
“E, totoo naman, e! Yung ganun.”
After working with Nicole, wini-wish ba niyang si Meryl Streep naman ang kasunod na makatrabaho niya?
Napangiti nang sakdal tamis si Ruby, “Gusto ko, si Tom Cruise.”