May patikim ang Asia's Limitless Star na si Julie Anne San Jose sa kanyang mga tagasuporta kaugnay ng role niya bilang Maria Clara sa upcoming historical portal fantasy ng GMA-7 na Maria Clara at Ibarra.
Sa kanyang Instagram post noong August 16, 2022, makikita ang ilang kuhang larawan ni Julie Anne mula sa kanilang lock-in taping.
Ibinahagi rin ng isa sa kanyang fan account ang larawan ni Julie Anne behind-the-scene habang nakaupo at nakasuot ng kamiseta.
Caption ng fan account: "First look sa ating #MariaClara"
Ang Maria Clara at Ibarra ay upcoming drama series ng GMA-7, kung saan tampok ang kakaibang paglalahad sa libro na Noli Me Tangere na akda ng ating Pambansang Bayani na si Jose P. Rizal.
Sisimulan ito ng kuwento ni Klay, isang nursing student na gustung-gusto nang magtrabaho sa ibang bansa. Ngunit magigising na lamang siya isang araw na nasa mundo na siya ng Noli Me Tangere.
Si Julie Anne ay gaganap bilang Maria Clara.
Si Dennis Trillo ang gaganap bilang Crisostomo Ibarra, at Barbie Forteza bilang Maria Clara mula sa kasalukuyang panahon.